ufleba.ge

კამბოჯაში კორონავირუსით დაინფიცირებული პაციენტი გამოჯანმრთელდა და მას უახლოეს მომავალში საავადმყოფოდან გაწერენ. ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს.

პაციენტი 60 წლის ცია ციანხუაა, რომელსაც ექიმებმა კორონავირუსის დიაგნოზი ორი კვირის წინ დაუსვეს. ჯანდაცვის სამინისტროს ინფორმაციით, ორ კვირიანი მკურნალობის შემდეგ, პაციენტი სრულად გამოჯანმრთელდა და ის საზოგადოებისთვის საფრთხეს აღარ წარმოაგდენს.

პაციენტთან ერთად, კარანტინში იმყოფებოდნენ მისი ნათესავები, ასევე შემოწმება ჩაუტარდა ყველა იმ ადამიანს, ვინც ცია ციანხუასთან ერთად იფრინა ქალაქ უხანიდან კამბოჯას მიმართულებით. კორონავირუსი არც ერთ მათგანს აღმოაჩნდა, - აღნიშნულია "პირველი არხის" ინფორმაციაში.