ufleba.ge
საერთაშორისო ასოციაცია „დაიცავი შენი წილი სამშობლო“ მოსამართლეების უვადო გამწესებასთან დაკავშირებით პროტესტს გამოთქვამს და პარლამენტს სათანადო რეაგირებისკენ მოუწოდებს.
„ვუერთდებით მოსახლეობის უდიდესი ნაწილისა და პროგრესულად მოაზროვნე დეპუტატების სრულიად ნეგატიურ დამოკიდებულებას, საეჭვო რეპუტაციის მქონე მოსამართლეთა უვადო გამწესებასთან დაკავშირებით.
სწორედ პარლამენტის პრეროგატივაა სასწრაფოდ კანონისა და კრიტერიუმების შემუშავება, რასაც უვადოდ გამწესებული მოსამართლეები უნდა აკმაყოფილებდნენ. აღნიშნული პროცესის პარალელურად, წარდგენილი სია საკანონმდებლო ორგანოდან უნდა გაიწვიონ“, - აღნიშნულია ორგანიზაციის განცხადებაში.