მთავარი ჩვენს შესახებსაიტის რუკაკონტაქტი
 
მამუკა ბახტაძე - ე.წ. ქუჩის გარჩევები და მათში არასრულწლოვანთა ჩაბმა სისხლის სამართლის წესით დაისჯება - 13 თებერვალი 2019

ufleba.ge

ე.წ. ქუჩის გარჩევები და მათში არასრულწლოვანთა ჩაბმა სისხლის სამართლის წესით დაისჯება, – ამის შესახებ საქართველოს პრემიერ-მინისტრმა, მამუკა ბახტაძემ დღევანდელ ბრიფინგზე განაცხადა.

მისი თქმით, ე.წ. ქუჩური გარჩევების სიხშირე და ხშირ შემთხვევაში, მძიმე შედეგები კიდევ უფრო მკაცრი პოლიტიკის გატარებას მოითხოვს.

„ვაგრძელებთ კრიმინალთან და კრიმინალურ მენტალიტეტთან ბრძოლას, რომლის ერთ-ერთი სერიოზული გამოვლინება გახლავთ ე.წ. ქუჩური გარჩევები. მათი სიხშირე და ხშირ შემთხვევაში მძიმე შედეგები ჩვენი მხრიდან კიდევ უფრო მკაცრი პოლიტიკის გატარებას მოითხოვს.

შესაბამისად, დღეს ჩვენ ვიხილავთ ახალ საკანონმდებლო პაკეტს, რომლის მიხედვითაც, ე.წ. ქუჩის გარჩევები სისხლის სამართლის წესით დასჯადი გახდება. ხაზგასმით მინდა აღვნიშნო, რომ სასჯელი განსაკუთრებით გამკაცრდება იმ პირთა მიმართ, ვინც არასრულწლოვნების ჩაბმას შეეცდება ასეთ დანაშაულებრივ ქმედებაში. კიდევ ერთხელ მინდა გავიმეორო, რომ კანონი განსაკუთრებით გამკაცრდება იმ ადამიანთა მიმართ, ვინც გაბედავს, რომ არასრულწლოვნები იყვნენ ჩართული ასეთ დანაშაულებრივ ქმედებაში.

კრიმინალურ მენტალიტეტთან წინააღმდეგ ბრძოლა კიდევ უფრო ეფექტიანი გახდება და ჩვენ შევძლებთ, თავიდან ავიცილოთ ის მძიმე შედეგები, რომელიც ხშირ შემთხვევაში ასეთ გარჩევებს უკავშირდება“, – განაცხადა მამუკა ბახტაძემ.

პოპულარული სტატიები
მე და სამოქალაქო ორგანიზაციები - ეს ქვეყანა ჩვენი მოსავლელია
  ციხეებში ძალადობრივი წესრიგი საფრთხეს უქმნის პატიმართა სიცოცხლეს და ჯანმრთელობას 
კორპორატიული პასუხისმგებლობა - პირბადე არ გვაქვს და არც გვექნება?

 

 
ვიდეოები
გამოკითხვა
 


სპონსორები

2020 ყველა უფლება დაცულია