მთავარი ჩვენს შესახებსაიტის რუკაკონტაქტი
 
საგანგებო მდგომარეობის გამოცხადება და სრული კარანტინი არ იგეგმება - 16 სექტემბერი 2020

საქართველოში კორონავირუსის 196 ახალი შემთხვევა გამოვლინდა, გამოჯანმრთელდა 31 პაციენტი.

ჯანდაცვის მინისტრი ეკატერინე ტიკარაძე ამბობს, რომ აჭარაში კორონავირუსთან დაკავშირებული რეგულაციების კონტროლი გამკაცრდება.

მინისტრის ინფორმაციით, გამკაცრებული ღონისძიებები ნიღბის ტარებას და დისტანცირებასაც შეეხება.

პრემიერ-მინისტრის აპარატის უფროსის, ნათია მეზვრიშვილის თქმით, ქვეყნის მასშტაბით არ იგეგმება საგანგებო მდგომარეობის გამოცხადება და სრული კარანტინი, მათ შორის, არც ბათუმში.

ეპიდსიტუაცია გლობალურად კვლავ დაძაბული რჩება, ერთადერთი, რაც დამამშვიდებელია, ვირუსის ვირულენტობა, ანუ აგრესიულობა ოდნავ შემცირებულია, – ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ, ბრიფინგზე განაცხადა.

მისი თქმით, გლობალურადკოვიდ-19“-ით სიკვდილიანობის მაჩვენებელი 7-დან 3,2 პროცენტამდე შემცირდა, შემთხვევების უმრავლესობა კი მსუბუქად მიმდინარეობს.

კორონავირუსულ ინფექციასთან დაკავშირებით ეპიდსიტუაცია გლობალურად კვლავ დაძაბული რჩება. ჯერ-ჯერობით მსოფლიოში ყოველდღიური ახალი შემთხვევების კლება არ არის. ის ყოველდღიურად აჭარბებს 250-270 ათასს და სამი დღის წინ გახლდათ პიკური, როდესაც 300 ათასს გადააჭარბა. მთლიანად ინფიცირებულთა რაოდენობა 30 მილიონს მიუახლოვდა და სამწუხაროდ, კორონავირუსული ინფექცით და მისი გართულებებით დაახლოებით, 940 ათასამდე ადამიანი უკვე დაიღუპა.

დაძაბულია სიტუაცია ჩვენს რეგიონში, მხედველობაში მაქვს, ევროპის რეგიონი, ასევე, ჩვენი მეზობლები, ოთხივე, ვისთანაც საზღვარი გვაქვს, სერიოზულად იზრდება ინფიცირების შემთხვევები უკრაინაში, ცენტრალურ აზიაში. კვლავ დაიძაბა სიტუაცია დასავლეთ ევროპის ქვეყნებშიესპანეთში, საფრანგეთში, დიდ ბრიტანეთში, ასევე მატება აღინიშნება გერმანიაში, ნორვეგიასა და კიდევ სხვა ქვეყნებში, ამიტომ, ქედან დასკვნა, რომ კორონავირუსული ინფექცია ჯერ უკან არ იხევს. პანდემია გრძელდება.

ერთადერთი, რაც გახლავთ დამამშვიდებელი, არის ის, რომ ვირუსის ვირულენტობა, ანუ აგრესიულობა ოდნავ შემცირებულია. თუ გაზაფხულზე სიკვდილიანობის პროცენტი გლობალურად გვქონდა 7, დღეს არის 3,2 და შემთხვევების უმრავლესობა მიმდინარეობს უსიმპტომოდ და მსუბუქად. რაც შეეხება კრიტიკულ ავადმყოფებს, გლობალურად მათი რაოდენობა მარტო ერთი პროცენტია“, – განაცხადა ამირან გამყრელიძემ.

წყარო: პირველი არხი

პოპულარული სტატიები
რა განაპირობებს ახალგაზრდებში უმუშევრობის და პასიურობის პრობლემას
გენდერული თანასწორობა რეგიონებში - ქალების ჩართულობა საქმისთვის გადამწყვეტია 
რა მნიშვნელობა აქვს ოზონის შრეს და რას ვაკეთებთ მის დასაცავად? 
 
ვიდეოები
გამოკითხვა
 


სპონსორები

2024 ყველა უფლება დაცულია