მთავარი ჩვენს შესახებსაიტის რუკაკონტაქტი
 
ყველა გზას გამოვიყენებთ ეს დაცინვა პროკურატურას არ ვაპატიოთ - ნათია ლეთოდიანი - 20 ოქტომბერი 2022

20 ივნისს დაზარალებული კობა ლეთოდიანის შვილის განცხადება

დღეს, პარტია "დროას" წევრმა და 20 ივნისს დაზარალებული კობა ლეთოდიანის შვილმა ნათია ლეთოდიანმა განცხადებას გააკეთა დაზარალებულის სტატუსის მიღების შესახებ. განცხადების ტექსტს გთავაზობთ უცვლელად:

დღეს მინდა, გაგაცნოთ კიდევ ერთი შეურაცხმყოფელი და ცინიკური დადგენილება, რომელიც კიდევე ერთხელ ასახავს იმ უსისტემობას, რაც ქვეყანაშია გამეფებული. გუშინ პროკურატურისგან მივიღეთ დადგენილება მამაჩემის, კობა ლეთოდიანისთვის, დაზარალებულის სტატუსის მინიჭების შესახებ. მათ მეორედ გვითხრეს უარი 20 ივნისს თვალდათხრილი ადამიანისთვის დაზარალებულის სტატუსის მინიჭებაზე.

მამაჩემმა კობა ლეთოდიანმა ცალი თვალი დაკარგა აფხაზეთის ომში, ხოლო მეორე თვალი 20 ივნისს გავრილოვის სისხლიან ღამეს, პარლამენტის წინ. დადგენილებაში კი წერია, რომ გამოძიება მიმდინარეობს და არ დაუდგენიათ ჯერ რამდენად სწორად არის გამოყენებული მის წინააღმდეგ ღონისძიებები. ეს არის ყოვლად დამცინავი დადგენილება არამარტო მამაჩემის, არამედ ყველა დაზარალებულის მიმართ, რომლებმაც აუნაზღაურებელი ტრავმა მიიღეს 20 ივნისის ღამეს.

ამ ფონზე, რაც დღეს ქვეყანაში ხდება, ქვეყანაში, რომელშიც საკუთარი მოვალეობის შესრულების  დროს ჟურნალისტებს სცემენ, ოპერატორებს კლავენ, ბავშვებს შადრევნებთან და პარკებში ვერ ვუშვებთ და უბრალოდ იღუპებიან. კორუმპირებული, ჩამოშლილი სისტემის გამო, პროკურატურა ბედავს და გვიგზავნის მსგავს დამცინავ დადგენილებას.

3 წელზე მეტი გავიდა 2019 წლის 20 ივნისიდან და მათ ვერ ორი თვალით დაბრმავებული ადამიანი არის თუ არა დაზარალებული. მე როგორც ერთი რიგითი ადამიანი, მოქალაქე და როგორც დაბრმავებული ადამიანის ოჯახის წევრი, ყველა გზას და ბერკეტს გამოვიყენებ, რომ უსამართლობის ეს ჯაჭვი რაღაცნაირად გავწყვიტოთ და სამართალს მივაღწიოთ. მე არანაირი ნდობა არ მაქვს ოლიგარქის პროკურატურისა და სასამართლოსი, მაგრამ ყველა გზას გამოვიყენებთ, რომ ჩვენ ეს დაცინვა ამ პროკურატურას არ ვაპატიოთ.“

პოპულარული სტატიები
რა განაპირობებს ახალგაზრდებში უმუშევრობის და პასიურობის პრობლემას
გენდერული თანასწორობა რეგიონებში - ქალების ჩართულობა საქმისთვის გადამწყვეტია 
რა მნიშვნელობა აქვს ოზონის შრეს და რას ვაკეთებთ მის დასაცავად? 
 
ვიდეოები
გამოკითხვა
 


სპონსორები

2024 ყველა უფლება დაცულია