„ოპოზიცია ბეწვის ხიდზე გადის:
თუ შეთანხმება-ერთიანობა შუა გზაზე ჩამოეშალათ ან/და თუ აქციებით რეალურ, ხელშესახებ შედეგს ვერ მიაღწიეს - ამომრჩევლის ტოტალურ იმედგაცრუებას და დეპრესიას გამოიწვევენ და ის შედეგიც სანატრელი გაუხდებათ, რაც ამ არჩევნებზე მიიღეს.
მთავარია ამომრჩეველმა არ დაკარგოს რწმენა, რომ ოპოზიცია მათი ინტერესებისთვის იბრძვის და არა - საკუთარი მანდატების რიცხვის გაზრდისთვის!
თორემ, ოპოზიცია მარტივად ჩაირეცხება, იმ შემთხვევაშიც კი თუ „ოცნებას“ გარდაუვალი კრიზისი დაუდგება“, - წერს პოლიტოლოგი ხათუნა ლაგაზიძე „ფეისბუქის“ გვერდზე.
გია ხუხაშვილი, ექსპერტი:
„პოლიტიკაში საკუთარი ძალების ობიექტურად შეფასება არის ერთ-ერთი საბაზისო უნარი, რასაც პირწმინდათ მოკლებულია ქართული პოლიტიკური ელიტა“, - წერს ხუხაშვილი „ფეისბუქის“ გვერდზე.