[მედიანიუსი]

მთავარი პროკურორის არჩილს კბილაშვილის განცხადებით, 2004-2012 წლებში 9560 შემთხვევა გამოვლინდა, რომლის დროსაც საქართველოს მოქალაქეებმა სახელმწიფოს აჩუქეს ქონება.

როგორც დღეს გამართულ პრესკონფერენციაზე კბილაშვილმა განაცხადა, უახლოეს მომავალში საზოგადოებისთვის ძალიან ბევრი საფინანსო-ეკონომიკური დანაშაულის შესახებ გახდება ცნობილი, რომელსაც ადგილი ჰქონდა მაღალჩინოსნების მხრიდან.

"ჩვენი მოვალეობაა მსგავსი ფაქტები გამოვიკვლიოთ. გამოვლენილია 9560 შემთხვევა, რომლის დროსაც `მადლიერმა~ საქართველოს მოქალაქეებმა ქონება აჩუქეს სახელმწიფოს. რამდენიმე ათეული ასეთი გამოძიება უკვე მიმდინარეობს და ეს საზოგადოებისთვის მალე გახდება ცნობილი. ის, რისი გამოძიებაც წამოვიწყეთ, ზღვაში წვეთია. ძალიან მალე სხვადასხვა ამ ტიპის, თუ კატეგორიის დანაშაული გახდება ცნობილი მას შემდეგ, რაც დაიწყება არსებითი განხილვები და ღიად გამოჩნდება ყველაფერი", - განაცხადა არჩილ კბილაშვილმა.