[მედიანიუსი]
საქართველოს პრემიერ–მინისტრი ბიძინა ივანიშვილი აცხადებს, რომ ზოგიერთების შესაბამისი სურვილის მიუხედავად, საქართველოში არეულობა არ მოხდება. როგორც მან დღეს პრეზიდენტ მიხეილ სააკაშვილთან გამართული შეხვედრის შემდეგ განაცხადა, იგი მოსახლეობას აძლევს გარანტიებს, რომ ქუჩებში დაპირისპირების გადატანასა და არეულობის მოწყობას ვერავინ შეძლებს.
„მოვლენების არაკანონიერად და არაკონსტიტუციურად განვითარება არ მოხდება“, – განაცხადა პრემიერმა.
ივანიშვილის თქმით, იგი ასევე ყველაფერს გააკეთებს, რომ პოლიტიკური კრიზისი არ შეიქმნას.
