[მედიანიუსი]
საქართველოს ოკუპირებულ ტერიტორიებზე მცხოვრები მჯავრდებულებისთვის პრობაციის ბიუროში გამოცხადების შეღავათიანი რეჟიმი ამოქმედდება.
როგორც სასჯელაღსრულების, პრობაციისა და იურიდიული დახმარების საკითხთა მინისტრის მოადგილე გიგა გიორგაძემ დღეს გამართულ ბრიფინგზე განაცხადა, ეს ინიციატივა სამინისტროს ეკუთვნის. მის თანახმად, ოკუპირებულ ტერიტორიებზე მცხოვრები მჯავრდებულებისთვის, რომლებსაც კანონმდებლობით დადგენილი რეჟიმის მიხედვით კვირაში ერთხელ რეგისტრაციისთვის პრობაციის ბიუროში გამოცხადება უწევთ, შეღავათიანი რეჟიმი ამოქმედდება.
კერძოდ, ასეთ პირებს ორ კვირაში ერთხელ პრობაციის ბიუროში გამოცხადების ვალდებულება დაეკისრებათ.
„პრობაციის ეროვნული სააგენტო საქართველოს ოკუპირებული ტერიტორიებიდან იძულებით გადაადგილებული პირობით მსჯავრდებულთა რესოციალიზაცია-რეაბილიტაციის საკითხს განსაკუთრებულ ყურადღებას აქცევს და მათთვის სხვადასხვა აქტივობის განხორციელებას მომავალშიც აპირებს“, –– აღნიშნა გიგა გიორგაძემ.
