[pirveli.com.ge]

შინაგან საქმეთა სამინისტროს საზოგადოებასთან ურთიერთობის სამსახურის ყოფილ ხელმძღვანელი გურამ დონაძე 25 000-ლარიანი გირაოს სანაცვლოდ გაათავისუფლეს.

როგორც "პირWელს" დაკავებულის ადვოკატმა კახა შონიამ განუცხადა, დონაძე დაკისრებული გირაოს თანხას დღესვე გადაიხდის.

"დონაძე თავს დამნაშავედ არ ცნობს და ის ამის შესახებ გამოძიებას ჩვენებასაც მისცემს", - განაცხადა შონიამ.

შეგახსენებთ, რომ გურამ დონაძეს ბუტა რობაქიძის მკვლელობასთან დაკავშირებით, ბრალი სისხლის სამართლის კოდექსის 332-ე მუხლის მესამე ნაწილით ედება, რაც სამსახურებრივი უფლებამოსილების ბოროტად გამოყენებას ნიშნავს.

აღნიშნული მუხლი ბრალის დამტკიცების შემთხვევაში, თავისუფლების 5-დან 8 წლამდე აღკვეთას ითვალისწინებს.

19 წლის ბუტა რობაქიძე 2004 წლის 23 ნოემბერს მოკლეს.