[pirveli.com.ge]

პარლამენტის იურიდიულ საკითხთა კომიტეტის თავმჯდომარის ვახტანგ ხმალაძის განცხადებით, პრეზიდენტის სიტყვას საქმეც უნდა მოჰყვეს, საკონსტიტუციო პრობლემის გადაჭრის სახით.

"თუ პრეზიდენტი გულწრფელია თავის განცხადებაში, რაშიც დარწმუნებული არ ვარ, მაშინ მის ნათქვამ სიტყვას უნდა მოჰყვეს საქმეც და ეს საქმე იქნება, პირველ რიგში, იმ კონსტიტუციური პრობლემის გადაჭრა, რომელიც დღეს არსებობს და რომელიც პრეზიდენტს აძლევს სრულიად გაუმართლებელ უფლებას, გადააყენოს მთავრობა და პარლამენტის თანხმობის გარეშე დანიშნოს ახალი მთავრობა. ამ საკითხის გადაჭრა იქნებოდა სწორედ იმ სიტყვის საქმედ ქცევის დაწყება. მერე უკვე ბევრ რამეზე შეიძლება, საუბარი. გასაკეთებელი და გამოსასწორებელი ძალიან ბევრია და თუ ეს გამოსწორდება საპარლამენტო ოპოზიციასთან ერთად, ეს მხოლოდ წაადგება ქვეყანას", - განაცხადა ხმალაძემ.

შეგახსენებთ, რომ მიხეილ სააკაშვილმა დღეს განცხადება გაავრცელა და პრემიერ-მინისტრი და მისი გუნდი დიალოგის დასაწყებად მიიწვია.