[მედიანიუსი]
საქართველოში 2004–2012 წლებში სასამართლო განაჩენების გადახედვის მიზნით კომისია იქმნება.
ამის შესახებ იუსტიციის მინისტრმა თეა წულუკიანმა, თბილისში სასტუმრო „ჰოლიდეი ინ“_ში დიპლომატიურ კორპუსსა და მედიასთან შეხვედრაზე განაცხადა.
მისი თქმით, ათეულათასობით ადამიანი დღემდე უკანონო პატიმრად რჩება.
„მათ სამართლებრივი გარანტია სჭირდებათ იმისათვის, რომ მათი საქმეები დეტალურად გადაისინჯოს. ხსენებული კომისიის ჩამოყალიბებით სწორედ ამ გარანტიას ვქმნით. კომისია გადახედავს განაჩენებს და საკუთარ დასკვნას შემდგომი რეაგირებისთვის მართლმსაჯულების ორგანოს გადაუგზავნის“,–აღნიშნა თეა წულუკიანმა.
მისი განმარტებით ვარდების რევოლუციის შემდეგ მართლმსაჯულებას ბევრი ხარვეზი ჰქონდა და სისხლის სამართლის საქმეებზე დაუსაბუთებელი განაჩენები იყო მიღებული.
„დღეს ადამიანებმა არ იციან, რატომ არიან დასჯილები“,–დასძინა თეა წულუკიანმა
