[მედიანიუსი]

შსს-ს შიდა ქართლის სამხარეო მთავარი სამმართველოს კასპის რაიონული სამმართველოს შენობის წინ, სავარაუდოდ, ხელყუმბარა აფეთქდა. აფეთქების შედეგად პოლიციის შენობის მინები ჩაიმსხვრა, დაზიანდა ფასადი, ასევე – შესასვლელთან მდგომი ავტომანქანა. პიროვნება, რომელმაც, სავარაუდოდ, ხელყუმბარა კასპის პოლიციის შენობასთან ისროლა – დაკავებულია, - აცნობეს "მედიანიუსს" შს სამინისტროდან.

გამოძიება საქართველოს სისხლის სამართლის კოდექსის 187-ე მუხლის (სხვისი ნივთის დაზიანება ან განადგურება) 1–ლი ნაწილით მიმდინარეობს, რაც 1–დან 3 წლამდე თავისუფლების აღკვეთას ითვალისწინებს.