[მედიანიუსი]
პარტია „თავისუფალი საქართველოს“ერთ–ერთი ლიდერი ალექსანდრე შალამბერიძე პრემიერ– მინისტრ ბიძინა ივანიშვილსა და იუსტიციის მინისტრ თეა წულუკიანს საბანკო და კერძო სესხებით დაზარალებულთა გამოსახლების პროცესის შეჩერებას სთხოვს.
როგორც მთავრობის კანცელარიის წინ დღეს გამართულ აქციაზე შალამბერიძემ განაცხადა, აღნიშნულ სფეროში მოქმედებენ დანაშაულებრივად ორგანიზებული ჯგუფები, რომლებიც ადამიანებს სახლებიდან აგდებენ.
როგორც შალამბერიძე განმარტავს, პარტია „თავისუფალი საქართველო“ იმ დანაშაულებრივ კრედიტებს ჩამოთვლის, რომლის გამოც მოქალაქეები თავშესაფრის გარეშე დარჩნენ, მათი საბუთები კი პროკურატურას გამოსაძიებლად გადაეცემა.
