[მედიანიუსი]

თებერვლის ბოლოდან საქართველოს მოსახლეობის 100-პროცენტი სამედიცინო დაზღვევით იქნება უზრუნველყოფილი. ამის შესახებ მთავრობის სხდომის დასრულების შემდეგ შრომის, ჯანმრთელობისა და სოციალური დაცვის მინისტრმა დავით სერგეენკომ განაცხადა.

მისი განმარტებით, ეს არის უნივერსალური დაზღვევა. მისით მოსახლეობის ის ნაწილი ისარგებლებს, რომელიც აქამდე დაზღვეული საერთოდ არ ყოფილა.

სერგეენკოს ინფორმაციით, ლაპარაკია 2 მილიონზე მეტ მოქალაქეზე, რომლებზეც აქამდე არცერთი სადაზღვევო პროგრამით არ სარგებლობდნენ.

რაც შეეხება უკვე დაზღვეულ 2 მილიონ მოქალაქეს, სერგეენკოს თქმით, მათი დაზვევის არსებული პროგრამები ჩვეულებრივ გაგრძელდება.