[მედიანიუსი]

საქართველოს შრომის, ჯანმრთელობისა და სოციალური დაცვის მინისტრ დავით სერგეენკოს ინფორმაციით, სოციალური დახმარება 16 000-ზე მეტ პირს შეუჩერდა.

მთავრობის სხდომის დასრულების შემდეგ იგი ჟურნალისტის კითხვის პასუხად გავრცელებულ ინფორმაციას გამოეხმაურა, რომლის თანახმადაც, სოციალური დახმარება 40 000 მოქალაქეს შეუჩერდა.

სერგეენკო უარყოფს 40 000-მდე მოქალაქისათვის აღნიშნული დახმარების შეჩერებას და აცხადებს, რომ მათი რიცხვი 16 000-ზე ცოტა მეტს შეადგენს.

მინისტრის განმარტებით, ამის მიზეზი ის გახდა, რომ ხსენებულ პირებს მაღალი შემოსავლები დაუფიქსირდათ, ისინი მოძრაობენ ძვირადღირებული მანქანებით და არიან სხვადასხვა ქონების მფლობელები.