მთავარი ჩვენს შესახებსაიტის რუკაკონტაქტი
 
დავით კირკიტაძე - არ მინდა ამ ფარსში მონაწილეობის მიღება - 12 თებერვალი 2019

ufleba.ge

„არ მინდა ამ ფარსში მონაწილეობის მიღება,“ -  განაცხადა დავით კირკიტაძემ გურჯაანის რაიონული სასამართლოს მოსამართლის მიერ გამოტანილი გადაწყვეტილების მოსმენისას.  

გურჯანიის სასამართლომ დავით კირკიტაძე კვლავ პატიმრობაში დატოვა. დაცვის მხარის შუამდგომლობა, პოლიტიკოსი გირაოს სანაცვლოდ გაეთავისუფლებინა, მოსამართლემ არ გაითვალისწინა.

სასამართლომ გაიზიარა პროკურატურის ვერსია, რომ კირკიტაძე შესაძლოა, მიმალულიყო.

„არ არის არსებითი გარემოება, რომელიც საფუძვლად დაედებოდა დავით კირკიტაძის მიმართ აღკვეთის ღონისძიების შეცვლას და პატიმრობის გირაოთი შეცვლას. ეს არის, როგორც მიმალვის, მოწმეებზე ზეწოლის საფრთხე ან სხვა დანაშაულის ჩადენა,“ - ამბობს საქმის პროკურორი, სანდრო გიორგაშვილი.  

ადვოკატის განმარტებით კი, მოსამართლის დღევანდელი გადაწყვეტილება წინააღმდეგობაში მოდის სხვა საქმეზე სააპელაციო ინსტანციის მიერ გამოტანილ გადაწყვეტილებასთან.

დავით კირკიტაძის ადვოკატის, გიორგი კონდახიშვილის, განცხადებით, თვითონ სასამართლოს განაჩენში წერია, რომ მიმალვის საფრთხე ბრალდების მხარეს სათანადოდ დასაბუთებული არა აქვს, - აღნიშნულია "რუსთავი 2"-ის ინფორმაციაში.   

პოპულარული სტატიები
დღეს თელავში საქართველოს პრეზიდენტის სალომე ზურაბიშვილის ინაუგურაცია გაიმართება
  ნონა ხიდეშელი: ჩვენმა მოქალაქემ საერთოდ არ იცის, რა უნდა ხელისუფლებისგან
რატომ არის დანაშაულის მაღალი რისკი ძალადობის მსხვერპლ ბავშვებში? 

 

 
ვიდეოები
გამოკითხვა
 


სპონსორები

2019 ყველა უფლება დაცულია