მთავარი ჩვენს შესახებსაიტის რუკაკონტაქტი
 
თბილისის მერიის ა(ა)იპ „ჩემი ადვოკატი“ მიუსაფარი ძაღლებისთვის ხის ათ სახლს დგამს - 19 თებერვალი 2019

ufleba.ge

თბილისის მერიის ა(ა)იპ „ჩემი ადვოკატი“ ცხოველთა მონიტორინგის სააგენტოს ინიციატივას უერთდება და მოწოდებით, „ძაღლებსაც აქვთ უფლება“, მიუსაფარი ძაღლებისთვის ხის ათი სახლს დგამს. ამის შესახებ ინფორმაციას თბილისის მერია ავრცელებს.

მათივე ცნობით, ხის სახლები ორგანიზაციის თანამშრომლებმა საკუთარი შემოსავლებით შეისყიდეს და თითოეულ მათგანზე დატანილია ტექსტი: „ცხოველთა მიმართ სასტიკი მოპყრობა ისჯება სისხლის სამართლის კოდექსის 259-ე მუხლით“.

ღონისძიების მიზანია, ორგანიზაციის სოციალური პასუხისმგებლობის ფარგლებში ხელი შეუწყოს მოსახლეობის სამართლებრივი ინფორმირებულობის ზრდას.

თბილისის მერიის ინფორმაციით, ხის სახლები სხვადასხვა ადგილზე ეტაპობრივად განთავსდება.

როგორც „ჩემი ადვოკატის“ დირექტორი მარინა ბერაძე აცხადებს, 2018 წლის განმავლობაში ორგანიზაცია აქტიურად თანამშრომლობდა ცხოველთა უფლებების დაცვის სფეროში მომუშავე სხვადასხვა ორგანიზაციასთან, ასევე ცხოველთა მონიტორინგის სააგენტოსთან და სამართლებრივ დახმარებას უწევდა როგორც ცხოველთა მიმკედლებლებსა და პატრონებს, ისე სხვა ფიზიკურ პირებს. მისი თქმით, ეს პროცესი 2019 წელს კიდევ უფრო აქტიურად წარიმართება.

პოპულარული სტატიები
მე და სამოქალაქო ორგანიზაციები - ეს ქვეყანა ჩვენი მოსავლელია
  ციხეებში ძალადობრივი წესრიგი საფრთხეს უქმნის პატიმართა სიცოცხლეს და ჯანმრთელობას 
კორპორატიული პასუხისმგებლობა - პირბადე არ გვაქვს და არც გვექნება?

 

 
ვიდეოები
გამოკითხვა
 


სპონსორები

2020 ყველა უფლება დაცულია