ufleba.ge

საერთაშორისო ასოციაცია „დაიცავი შენი წილი სამშობლო“ ებრაელ ხალხს ფესახის (ქართ. პასექი) დღესასწაულს ულოცავს. 

„ქართველებსა და ებრაელებს განსაკუთრებული მეგობრობა გვაკავშირებს. ებრაელი ხალხი საქართველოს სიყვარულს, როგორც საქართველოში, ასევე მსოფლიოს სხვადასხვა ქვეყანაში დარაჯობს. ებრაელ ხალხს ყველგან გამარჯვებას, კეთილდღეობასა და სიმშვიდეს ვუსურვებთ“, - აღნიშნულია ორგანიზაციის განცხადებაში.

ფესახი, ანუ ქართულად პასექი არის უდიდესი ებრაული და სამარიული დღესასწაული, რომელიც აღინიშნება ყოველწლიურად ებრაული კალენდრის ნისანის თვის მე-15-ე დღიდან 21-ე (22-ე) დღის ჩათვლით. დღესასწაულის თარიღი თანამედროვე საერთაშორისო კალენდრით მოძრავია და მარტში ან აპრილში აღინიშნება. ფესახი არის ერთ-ერთი სამი პილიგრიმული დღესასწაულიდან. იგი ეძღვნება უფლის მიერ ებრაელთა გამოხსნას ეგვიპტელთა მონობიდან, პირველშობილ ყრმების გადარჩენას (რასაც წინ უძღვოდა ღვთის რისხვა ეგვიპტელთა მიმართ) და ანტიკური ევიპტიდან ებრაელთა გამოსვლას. საუფლო დღესასწაულზე (ისრაელში შვიდ და ისრაელის გარეთ რვა დღის მანძილზე) ებრაელები იცავენ მარხვას უფუარი პურის კვერით.