მთავარი ჩვენს შესახებსაიტის რუკაკონტაქტი
 
ლევან რატიანი - უნდა ვიბრძოლოთ, ვიყოთ კარგ გუნებაზე, რომ ყველაფერი გადავლახოთ - 20 მარტი 2020

ufleba.ge

პირველი საუნივერსიტეტო კლინიკის დირექტორი ლევან რატიანი მოსახლეობას მიმართავს, დადებითი განწყობა შეინარჩუნონ და თუ კორონავირუსით დაინფიცირდებიან, არ მიეცენ დეპრესიას, იყვნენ კარგ გუნებაზე, რათა ყველაფერი გადალახონ.

ლევან რატიანის თქმით, მარსელის უნივერსიტეტმა (მარსელის საუნივერსიტეტო კლინიკა) გამოიკვლია, რომ ძალიან დიდი მნიშვნელობა აქვს ემოციას.

„ამ უნივერსიტეტმა გაგვაცნო შედეგი, რომ ძალიან დიდი მნიშვნელობა აქვს ემოციას. დასნეულებულ პაციენტებს, რომლებსაც ჩაუტარეს ასეთი ცდა – დაყვეს ორ ჯგუფად, ანუ დეპრესიით მიმდინარე კორონავირუსით ინფიცირებული და არადეპრესიით მიმდინარე კორონავირუსით ინფიცირებული, და შეამოწმეს. აღმოჩნდა, რომ პაციენტები, რომლებსაც აქვთ კარგი გუნება-განწყობა და ბრძოლის უნარი, მათში 12-დან 15 დღეში მოხდა ვირუსის ელიმინაცია.

მინდა, კიდევ ერთხელ მივმართო ჩვენს მოსახლეობას, რომ რაც უფრო კარგ განწყობაზე ვიქნებით, თუ მოხდა ინფიცირება ჩვენი ორგანიზმის, არ უნდა მივეცეთ დეპრესიას, უნდა ვიბრძოლოთ, უნდა ვიყოთ კარგ გუნებაზე, რომ ეს ყველაფერი გადავლახოთ“, – განაცხადა ლევან რატიანმა.

პირველ საუნივერსიტეტო კლინიკაში კორონავირუსით ინფიცირებული ოთხი პაციენტი მკურნალობს. მათ შორის 80 წელს გადაცილებული პაციენტი. ინფიცირებულთა ჯანმრთელობის მდგომარეობა სტაბილურია. ამასთან, ლევან რატიანმა განმარტა, რომ მკურნალობის თვალსაზრისით პირველი საუნივერსიტეტო კლინიკა ხელმძღვანელობს მარსელის საუნივერსიტეტო კლინიკის მიერ გამოყენებული პროტოკოლითა და გაიდლაინით. მისი თქმით, აღნიშნული მკურნალობის ჩატარებამ კარგი ეფექტი აჩვენა, - აღნიშნულია "პირველი არხის" ინფორმაციაში. 

პოპულარული სტატიები
მე და სამოქალაქო ორგანიზაციები - ეს ქვეყანა ჩვენი მოსავლელია
  ციხეებში ძალადობრივი წესრიგი საფრთხეს უქმნის პატიმართა სიცოცხლეს და ჯანმრთელობას 
კორპორატიული პასუხისმგებლობა - პირბადე არ გვაქვს და არც გვექნება?

 

 
ვიდეოები
გამოკითხვა
 


სპონსორები

2020 ყველა უფლება დაცულია