„სტერილური პარლამენტისკენ თავაწეული სვლა პანდემიის გავრცელებასთან დაკავშირებული, სოციალ-ეკონომიკური და რეგიონში არსებული პრობლემების ფონზე, რისი გადაწყვეტაც საზოგადოების კონსოლიდაციის მაღალ ხარისხს საჭიროებს, ხელისუფლების უნებლიე სუიციდალურ მიდრეკილებებზე მეტყველებს.
რომ ვერ ხვდებიან, ერთია და მეორეა, რომ ფუნდამენტური, თვითგადარჩენის ინსტიქტიც გათიშული აქვთ სამწუხაროდ.
* * *
ისევე, როგორც ერთი ორგანოს დაავადება, მთელი სხეულის ავადმყოფობად ითვლება, საზოგადოების ერთი ნაწილის პრობლემებიც მთელი ერის სენად უნდა აღვიქვათ, რომელ მხარესაც არ უნდა ვიყოთ.
მხოლოდ ასეთი მიდგომით გვაქვს გამოჯანმრთელების შანსი“, - წერს ექსპერტი გია ხუხაშვილი „ფეისბუქის“ გვერდზე.