[მედიანიუსი]

საქართველოს უზენაესი სასამართლოს თავმჯდომარე კონსტანტინე კუბლაშვილის განცხადებით, სასამართლო სისტემა სწორი გზით მიდის.

როგორც მან რუსთავი 2-ს ეთერში სტუმრობისას განაცხადა, სასამართლო სისტემის დამოუკიდებლობის ხარისხის ზრდის ტემპს, ბოლო დროს სხვადასხვა საქმეზე მოსამართლეების მიერ მიღებული გადაწყვეტილებებიც ადასტურებს.

"ასეთი გადაწყვეტილებებით სასამართლო დამოუკიდებლობისაკენ მიდის. ხშირად მითქვამს, რომ სასამართლო ჩვენთან არ იყოს ისეთი დამოუკიდებელი როგორიც გვინდოდა იმიტომ, რომ 2004, 2005, 2006 წლიდან დაწყებული გვახსოვს ეს პროცესები რაც განვითარდა და თუკი შევადარებთ მაშინდელ და ღევანდელ მდგომარეობას, რა თქმა უნდა, ახლა სასამართლო გაცილებით უფრო დამოუკიდებელია. რასაც ჩვენ ვაკეთებდით ამ 8 წლის განმავლობაში, ამით ვქმნიდით პირობებს იმისათვის, რომ გარანტიები შექმნილიყო მოსამართლეების დამოუკიდებლობისათვის ეს ყველაფერი ახლა იჩენს თავს უფრო აშკარად და ცხადად", - განაცხადა მან.