myrights.ge

ტელეკომპანია რუსთავი 2-ის ხელმძღვანელობამ საგანგებო განცხადება გააკეთა. გენერალურმა დირექტორმა ნიკა გვარამიამ მისი და ნინო შუბლაძის სამუშაო ოთახებში მოსასმენი და სათვალთვალო აპარატურით გადაღებული ვიდეომასალა დღეს მედიას წარუდგინა. მისი თქმით, ვიდეომასალა, ორი ვიდეოფაილი, ინფორმატორმა შინაგან საქმეთა სამინისტროდან მოიპოვა და ტელეკომპანიას მიაწოდა და მასზე კაბინეტებში მიმდინარე საუბრებია ჩაწერილი. ვიდეომასალა, რომელიც ამჯერად ტელევიზიითაც გავრცელდა, სავარაუდოდ, გასული წლის 13 ივნისს არის გადაღებული.

ნიკა გვარამიას განცხადებით, ამ ვიდეომასალების შემდეგ მათ შეამოწმეს სამუშაო კაბინეტები, თუმცა მოსასმენი და სათვალთვალო აპარატურა იქ ვერ აღმოაჩინეს.

ტელეკომპანია რუსთავი 2 მოუწოდებს საგამოძიებო ორგანოებს, უზრუნველყოს უკანონო მოსმენისა და თვალთვალის ამ ფაქტების დროული და ეფექტური გამოძიება.