myrights.ge

წელს პირველად, ცენტრალური საარჩევნო კომისია თვითმმართველობის არჩევნებში ქალთა მონაწილეობის შესახებ სტატისტიკას აქვეყნებს. საუბნო საარჩევნო კომისიების მიერ მოწოდებული მონაცემების მიხედვით 2014 წლის 15 ივნისის არჩევნებზე მოსული ამომრჩეველის   50,2%  იყო ქალი. სულ ხმა მისცა 745,614-მა ქალმა ამომრჩეველმა.

ქალი ამომრჩევლების მაღალი აქტიურობით გამოირჩეოდა თბილისი, - 55,94%. დედაქალაქის ათივე ოლქში ქალი ამომრჩევლების აქტივობის მეტნაკლებად ერთნაირი მაღალი მაჩვენებელი იყო და მერყეობდა 53-57%-ს შორის.

რაც შეეხება სხვა ოლქებს, ქალები ყველაზე აქტიურები იყვნენ ახალქალაქში (56,29%), ქუთაისში (53,97%), რუსთავში (53,94%) და სიღნაღში (52,69%).