myrights.ge
ცესკოს განცხადებით, 2014 წლის თვითმმართველობის არჩევნების განმეორებითი კენჭისყრა დასრულდა. საარჩევნო უბნები 20:00 სთ-ზე დაიხურა და კომისიის წევრებმა უკვე დაიწყეს ამომრჩეველთა ხმების დათვლის პროცესი.
29 ივნისის განმეორებით კენჭისყრაში ამომრჩეველთა 36,63%-მა (5,112) მიიღო მონაწილეობა. ყველაზე მაღალი აქტივობით ხონის (76,69%), ტყიბულის (47,50) და ზუგდიდის (46,14%) ოლქების საარჩევნო უბნები გამოირჩეოდნენ.
საარჩევნო პროცესი მშვიდ ვითარებაში, მნიშვნელოვანი დარღვევების გარეშე მიმდინარეობდა; პროცედურული ხარვეზების უმეტესობა კი ადგილზე აღმოიფხვრა.
როგორც ცესკოს სპიკერმა ეკა აზარაშვილმა საინფორმაციო ბრიფინგზე განაცხადა, 9 ოლქის 14 უბნის შედეგები results.cec.gov.ge-ზე განთავსდება.
ბრიფინგის ბოლოს მან მადლობა გადაუხადა ამორმჩევლებს და არჩევნებში ჩართულ ყველა მხარეს საარჩევნო პროცესის მშვიდ გარემოში წარმართვისთვის.
მიმაგრებული დოკუმენტები:
ამომრჩეველთა აქტივობა 20:00სთ-ის მდგომარეობით
