myrights.ge

ცენტრალურმა საარჩევნო კომისიამ 2002 წლიდან დღემდე საქართველოში ჩატარებული ყველა არჩევნების მიხედვით ბათილი ბიულეტენების სტატისტიკა მოამზადა.

ცესკოს მიერ დამუშავებული ინფორმაციის საფუძველზე იკვეთება, რომ 2014 წლის ადგილობრივი თვითმმართველობის არჩევნებზე დაფიქსირებული ბათილი ბიულეტენების რაოდენობა მნიშვნელოვნად არ განსხვავდება ყველა სხვა არჩევნებზე ბათილი ბიულეტენების საშუალო მაჩვენებლისგან.  მაგალითისთვის, 2014 წლის თვითმმართველობის არჩევნებზე, ბათილი ბიულეტენების საშუალო მაჩვენებელი დაახლოებით ერთი პროცენტით აღემატება 2010 წლის ბათილი ბიულეტენების საშუალო მაჩვენებელს.

ასევე აღსანიშნავია ის ფაქტი, რომ წელს ამომრჩევლისთვის სიახლე იყო 3 ბიულეტენი საარჩევნო უბანზე, რაც წარმოადგენდა ბიულეტენების გაბათილების ერთ-ერთ ძირითად მიზეზს ეთნიკური უმცირესობებით კომპაქტურად დასახლებულ რეგიონებში, სადაც სხვა ოლქებთან შედარებით ბათილი ბიულეტენების ყველაზე მაღალი რაოდენობა დაფიქსირდა.