myrights.ge
მას შემდეგ, რაც პირადი ცხოვრების ამსახველი კადრები გავრცელდა, სამოქალაქო საზოგადოებამ კამპანია „ეს შენ გეხება“ განაახლა.
„ფარული თვალთვალისა და უკანონო მოსმენების წინააღმდეგ დაწყებული კამპანიის ფარგლებში „ეს შენ გეხებას“ წევრი უფლებადამცველი ორგანიზაციების უმთავრესი მოთხოვნა ფარული თვალთვალისა და მიყურადების მარეგულირებელი კანონმდებლობის შეცვლა და დამოუკიდებელი საგამოძიებო ორგანოს შექმნაა, რომელიც სამართალდამცავთა დანაშაულებს ობიექტურად გამოიძიებს.
„ეს შენ გეხებას“ წევრი ორგანიზაციები მზად არიან შეხვედრები დაიწყონ ყველა იმ პოლიტიკურ ძალასთან, ვინც მხარს უჭერს უკანონო თვალთვალის შესახებ კანონმდებლობის შეცვლის და დამოუკიდებელი საგამოძიებო ორგანოს შექმნის ინიციატივას.
„ეს შენ გეხება-ს“ წევრი ორგანიზაციები პოლიტიკურ პარტიებს ამ ინიციატივის საარჩევნო პროგრამებში გათვალისწინებას და პარლამენტში წინადადების წარდგენის პროცესში მხარდაჭერას თხოვენ“, - აღნიშნულია განცხადებაში.
