ufleba.ge

მთავარი პროკურატურის განცხადებას უცვლელად გთავაზობთ:

- მედიასაშუალებებში ცოტა ხნის წინ გავრცელებული ინფორმაცია საქართველოს მთავარი პროკურორის მიერ თანამდებობის დატოვებასთან დაკავშირებით არის სიცრუე და არ შეესაბამება სინამდვილეს. მიგვაჩნია, რომ მსგავსი სახის ინფორმაციის გავრცელება ხდება მიზანმიმართულად და ემსახურება საზოგადოების შეცდომაში შეყვანას. მთავარი პროკურორი ირაკლი შოთაძე მუშაობას ჩვეულ რეჟიმში აგრძელებს.

ირაკლი შოთაძის მიერ თანამდებობის დატოვებაზე ინფორმაცია „ჯი-ეიჩ-ენმა“ სანდო წყაროზე დაყრდნობით მოიპოვა. სააგენტოს ინფორმაციით, მთავარი პროკურორის  გადადგომის მიზეზი,  ე.წ. ციანიდის საქმეა.

„ჯი-ეიჩ-ენის“ ინფორმაციით, ოფიციალური განცხადება ორშაბათს გაკეთდება.