ufleba.ge

„რუსთავი 2“-ის საოკუპაციო ხაზის მიმდებარე ტერიტორიიდან მორიგ გატაცებაზე ინფორმაციას ავრცელებს. შემთხვევა გორის რაიონის სოფელ ახალუბანიდან მოხდა. ადგილობრივები და ოჯახის წევრები ყვებიან, რომ 58 წლის მიშა პეტრემღვდლიშვილი მაშინ დააკავეს, როცა ის სოფლის მიმდებარედ საქონელს აძოვებდა.

გატაცებულთან ერთად ნახირში კიდევ 2 მწყემსი იყო წასული, მათ ოკუპანტები დროულად შენიშნეს და თავს გაქცევით უშველეს. ოჯახს ამ დრომდე არავინ დაკავშირებია. მიშა პეტრემღვდლიშვილი, სავარაუდოდ, კვლავ საზღვრის უკანონოდ გადაკვეთის ბრალდებებითაა დაკავებული.

გორის მერის განცხადებით, ის უკვე ცხინვალშია გადაყვანილი და მომხდარზე ინფორმირებულია ყველა სტრუქტურა.