მეუფე იაკობის წინააღმდეგ სასამართლო პროცესი გადაიდო

ufleba.ge

8-თვიანი ლოდინის შემდეგ, საქალაქო სასამართლოს მოსამართლემ ადვოკატ მიხეილ რამიშვილის სარჩელის განხილვა გაურკვეველი ვადით გადადო. ოფიციალურ მიზეზად, მოსამართლე ირაკლი კოპალიანის ჯანმრთელობის მდგომარეობა სახელდება. უფლებადამცველი კი ვარაუდობს, რომ პროცესის გადადება მეუფე იაკობის მიმართ პასუხისმგებლობის არიდების მიზნით ხდება.

„კონსტანტინე იაკობაშვილი მაინც ვერ ასცდება იმ პასუხისმგებლობას, რაც მასზეა დაკისრებული თავის ცილისწამებისთვის. რაც არ უნდა დრო გაწელონ და რაც არ უნდა მოიგონონ ზღაპრები. ძალიან დიდი ეჭვი მეპარება, რომ ეს არის მიზანმიმართული რაღაცა საფუძვლებით ეს გაწელონ დროში რაც შეუძლიათ მაგრამ ალბათ სხვა უფრო ჯანმრთელი მოსამართლე იქნება და მოვითხოვ, რომ დაეწეროს იმას,“-განაცხადა მიხეილ რამიშვილმა.

შეგახსენებთ,რომ მიხეილ რამიშვილი ცილისწამებისა და ღირსების შელახვის გამო მეუფე იაკობს უჩივის და მისგან კომპენსაციას ითხოვს. საქმე ეხება პატრიარქის ქორეპისკოპოსის განცხადებას, რომელმაც დეკანოზ გიორგი მამალაძის ადვოკატი გირგვლიანის საქმეში აგენტად დაასახელა.

ინფორმაციას „რუსთავი 2“ ავრცელებს.