"ბოლო პერიოდში ლარის გაუფასურება, ძირითადად, თურქული ლირის კურსის ვარდნას უკავშირდება"

ufleba.ge

საშუალოვადიან პერიოდში დოლარი-ლარის კურსი 2.5 ნიშნულთან ახლოს იქნება, – აცხადებენ საინვესტიციო კომპანია Galt & Taggart-ში.

ამასთან, კომპანიის ანალიტიკოსები ვარაუდობენ, რომ ლარის სეზონური გაუფასურება 2018 წლის ბოლომდე გაგრძელდება და კურსი 2.7-2.75 ფარგლებში დაფიქსირდება.

Galt & Taggart-ის ცნობით, ბოლო პერიოდში ლარის გაუფასურება, ძირითადად, თურქული ლირის კურსის ვარდნას უკავშირდება.

ამასთან, კომპანიის ექსპერტებმა 2018 წლის ეკონომიკური ზრდის პროგნოზის კორექტირებაც მოახდინეს და 5.4 პროცენტიდან მაჩვენებელი 5 პროცენტამდე შეამცირეს. ამის ერთ-ერთ მიზეზად ინფრასტრუქტურული პროექტების განხორციელების ტემპი სახელდება.