ufleba.ge

ველისციხეში მომხდარი დაპირისპირების ფაქტზე შს სამინისტრომ გამოძიება დაიწყო. გამოძიება სისხლის სამართლის კოდექსის 353-ე მუხლის პირველი ნაწილით მიმდინარეობს.

შს მინისტრის მოადგილის ნათია მეზვრიშვილის განცხადებით, გამოიკვეთა იმ პირთა წრე, რომელებიც მიმდინარე გამოძიების ფარგლებში, პოლიციის მიმართ მისი საქმიანობის შეწყვეტის მიზნით წინააღმდეგობას და ძალადობის გამო უნდა გამოიკითხონ.

მეზვრიშვილი ამბობს, რომ უწყება დაიბარებს ყველას ვინც საქმეში ფიგურირებს, იმის მიუხედავად არიან თუ პოლიტიკური ლიდერები.

მინისტრის მოადგილე ადასტურებს, რომ გაერთიანებული ოპოზიციის ერთ-ერთი წევრის დავით კირკიტაძის საცხოვრებელ სახლთან პოლიციის მობილიზებაც ველისციხეში განვითარებულ მოვლენებთან დაკავშირებით დაწყებულ გამოძიებას უკავშირდება.

მეზვრიშვილი იმედოვნებს, რომ კირკიტაძე და სხვა პირები გამოძიებასთან ითანამშრომლებენ.

„ნაციონალური მოძრაობის“ წევრის დავით კირკიტაძის სახლთან დილიდან პოლიცია იყო მობილიზებული.

გაერთიანებული ოპოზიციის წევრი ვარაუდობს, რომ სამართალდამცველები მის სახლთან, გუშინ, თელავში მომხდარი ინციდენტის გამო მივიდნენ. მან პოლიციას ადვოკატის მისვლამდე კარი არ გაუღო.

ინფორმაციას „რუსთავი 2“ ავრცელებს.