15 დეკემბერს, ტელეკომპანია „რუსთავი 2”-ის ეთერით გავიდა რეპორტაჟი, რომელშიც წარმოდგენილია ვიდეოჩანაწერები, თუ როგორ აყალბებდა ზოგიერთი საუბნო საარჩევნო კომისიის წევრი საპრეზიდენტო არჩევნებს სხვადასხვა გზით, - ამის შესახებ „საერთაშორისო გამჭვირვალობა - საქართველოს“ განცხადებაშია ნათქვამი.

„არჩევნების გაყალბება სისხლის სამართლის დანაშაულია. ვიდეოჩანაწერების მეშვეობით, შესაძლებელია იმ ადამიანთა იდენტიფიცირება, რომლებიც იყვნენ ამ პროცესში ჩართული.

მოვუწოდებთ საქართველოს მთავარ პროკურატურას, სასწრაფოდ დაიწყოს გამოძიება არჩევნების სავარაუდო გაყალბების ფაქტებზე, მათ შორის, დაადგინოს ჩანაწერების ავთენტურობა.

ამასთანავე, მივმართავთ, ცესკოს და შესაბამის საოლქო საარჩევნო კომისიებს, მიიღონ სათანადო დისციპლინარული ზომები ჩანაწერებში ნაჩვენები საუბნო საარჩევნო კომისიების წევრების მიმართ“, - აღნიშნულია განცხადებაში.

http://rustavi2.ge/ka/video/38626?v=2