ufleba.ge

„ის რაც აზარტული თამაშების პოპულარიზაციას უკავშირდება და საზოგადოებას უბიძგებს თამაშისკენ, ამ ყველაფრის აკრძალვის მომხრე ვარ და ვფიქრობ, ბილბორდების ჩამოხსნა და ასაკობრივი შეზღუდვა ინტერნეტ სივრცეში ამას მნიშვნელოვნად შეამცირებს“, - ამბობს ნუკრი კაპანაძე pia.ge-სთან საუბარში.

„არ შეიძლება ახალგაზრდები იკლავდნენ თავს, მხოლოდ იმის გამო, რომ თამაშობენ. ყველამ უნდა მიბაძოს იმ კომპანიას, რომელიც აკრძალავს მსგავსი ტიპის რეკლამას, მე დადებითად ვაფასებ „ევროპაბეთის“ ამ ახალ კამპანიას“, - განაცხადა ჩვენთან საუბრისას მომღერალმა.

შეგახსენებთ, რომ დღევანდელ პრეს–კონფერენციაზე კომპანია „ევროპაბეთმა“ ახალი სოციალური კამპანია გააცნო საზოგადოებას – „პასუხისმგებლიანი თამაში“.

კამპანიის ფარგლებში კომპანია მთლიანად უარს ამბობს გარე რეკლამაზე და უკვე ჩამოხსნა ბილბორდები, ასევე ზღუდავს სატელევიზიო და რადიორეკლამას, ხოლო ინტერნეტრეკლამის შემთხვევაში მაქსიმალურად ეცდება ასაკობრივ შეზღუდვას.