1. საუკეთესო სატელევიზიო სიუჟეტი - მანანა გიგინეიშვილი - პირველი არხი http://bit.ly/3229cJM

2. საუკეთესო რადიო გადაცემა, რუბრიკა ან სიუჟეტი - ნინო ხუგაშვილი - რადიო იმედი http://bit.ly/2vHv2pU

3. საუკეთესო სტატია - ქეით რუთ დეივისი - Georgia Today - http://bit.ly/2P3OBiY

4. საუკეთესო მულტიმედია პროექტი - ნინო ვართაპეტიანი - ტელეკომპანია ბორჯომი http://bit.ly/328B9Qb

5. საუკეთესო ბლოგი - მარიკა მჭედლიძე - Forbes Georgia - http://bit.ly/326wTAB

მედია კონკურსი 2019 წლის დასაწყისში გამოცხადდა და მასში წარდგენილი ნამუშევრები შეფასდა, მედია პროფესიონალებისა და CSR-ის ექსპერტებისაგან შემდგარი, დამოუკიდებელი საკონკურსო კომისიის მიერ. კონკურსში 33 ჟურნალისტმა, 36 მედია მასალა წარადგინა. 

გამარჯვებულ ჟურნალისტებს ფულადი პრიზი 1500 ლარი გადაეცათ. კონკურსის პარტნიორი კომპანია Japan Tobacco International (JTI) უკვე მეორე წელია კონკურსის მონაწილე ჟურნალისტებს შორის საკუთარ რჩეულებს გამოარჩევს და სპეციალური პრიზით აჯილდოვებს. კომპანიის მხარდაჭერით შორენა ლაბაძე და ვახტანგ დარასელია ქალაქ ვენაში გამართულ კონგესზე გაემგზავრებიან. კონგრესი არის ექსკლუზიური ღონისძიება, რომელსაც მსოფლიოს წამყვანი მედია პროფესიონალები ესწრებიან და მედიის წინაშე არსებულ გამოწვევებსა და მიღწევებს განიხილავენ.

CSRDG-ის აღმასრულებელმა დირექტორმა ეკა ურუშაძე მისასალმებელ სიტყვაში აღნიშნა: „მედიას განსაკუთრებული მნიშვნელობა ენიჭება საზოგადოების მხრიდან CSR-ის კონცეფციის სწორი გააზრებისა და მისი დანერგვის სტიმულირების პროცესში. სწორედ ამიტომ CSRDG დიდი ხანია აქტიურად მუშაობს რეგიონულ და ცენტრალურ მედიასთან CSR-ის ცნების პოპულარიზაციის მიზნით.“

დომინიკა სკუბიდამ, ევროკავშირის დელეგაციის ატაშემ და სამოქალაქოს აზოგადოების პროგრამის ოფიცერმა სიტყვით მიმართა საზოგადოებას: „მედია ინსტიტუტების მიერ CSR-ის გაშუქება არის სტიმული ბიზნეს კომპანიებისათვის, რათა მათ დაიცვან ადამიანის უფლებები, შრომისა და გარემოს დაცვის სტანდარტები, მომხმარებელთა უფლებები და ხელი შეუწყონ ქვეყნის სოციო-ეკონომიკურ განვითარებას“.

კონკურსის შესახებ: პირველი მედია კონკურსი CSR-ის შესახებ, რომელიც CSDRG-ის მიერ დაფუძნდა უკვე მეორე წელია წარმატებით ტარდება. კონკურსის მიზანია ქართულ მედია სივრცეში კორპორაციული სოციალური პასუხისმგებლობის აქტიური და სწორი გაშუქების ხელშეწყობა და ამ გზით კორპორაციული სოციალური პასუხისმგებლობის შესახებ ცნობიერების ამაღლება და საზოგადოების მხრიდან კონცეფციის სწორი აღქმის დამკვიდრება. კონკურსს წინ უძღვოდა წარმატებით გამართული მედია ტრენინგები კორპორაციული სოციალური პასუხისმგებლობის თემაზე.  კონკურსი ტარდება პროექტის „სამოქალაქო საზოგადოების განვითარების ინიციატივა“ ფარგლებში.

პროეტის „სამოქალაქო საზოგადოების განვითარების ინიციატივა“ შესახებ ინფორმაცია:  პროექტს „სამოქალაქო საზოგადოების განვითარების ინიციატივა" (2017-2020), რომელიც სამოქალაქო საზოგადოების განვითარებას ისახავს მიზნად, ახორციელებს კონსორციუმი კონრად ადენაუერის ფონდის (KAS) ხელმძღვანელობით, რომელშიც ასევე შედის ოთხი ქართული სამოქალაქო ორგანიზაცია: სამოქალაქო საზოგადოების ინსტიტუტი (CSI); საქართველოს სტრატეგიული კვლევებისა და განვითარების ცენტრი (CSRDG); კონსულტაციის და ტრენინგის ცენტრი (CTC); განათლების, განვითარების და დასაქმების ცენტრი (EDEC).

პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი.

ინფორმაცია განმახორციელები ორგანიზაციის შესახებ:  “საქართველოს სტრატეგიული კვლევებისა და განვითარების ცენტრი” (CSRDG) არის საზოგადოებრივი ორგანიზაცია, რომელიც შეიქმნა 1995 წელს. CSRDG დაარსების დღიდან ორიენტირებულია ისეთ შედეგებზე, რომელიც პოზიტიურ ცვლილებებს მოუტანს, როგორც ცალკეულ ადამიანებს, ისე მთელ საზოგადოებას. CSRDG არის პირველი ქართული ორგანიზაცია, რომელმაც მოამზადა და გამოსცა: მდგრადი განვითარების ანგარიში „ანგარიშგების გლობალური ინიციატივის“ (GRI) საერთაშორისო სტანდარტის მიხედვით; პირველი ქართულენოვანი სახელმძღვანელო CSR-ზე საქართველოს უმაღლესი სასწავლებლებისთვის; ვრცელი ანალიტიკური კვლევა „კორპორაციული სოციალური პასუხისმგებლობა და საჯარო სექტორის როლი“ (ანალიტიკური მიმოხილვა და რეკომენდაციები საქართველოს მთავრობას).