გურჯაანის რაიონის, სოფელ ვეჯინის მკვიდრი ელმირა ბეციაშვილი, ადგილობრივი თვითმმართველობის წარმომადგენლებს მოვალეობის შესრულებისკენ და ელემენტარული პრობლემების მოგვარებისკენ მოუწოდებს.
- სოფელ ვეჯინის მერის წარმომადგენელი და მისი სპეციალისტები, რატომ არ ასრულებთ კანონით დაკისრებულ თქვენს ვალდებულებებს?! სოფელში წყალი არ არის ნორმალურად, ამ პრობლემას ვერ და არ აგვარებთ;
სოფლის სასოფლო სამეურნეო ნაკვეთებამდე მისასვლელი გზები საშინელ მდგომარეობაშია და ფაქტობრივად გადაადგილება ჭირს (კეჭაში დიდშარის გზა).
მუდმივად ყველაფერზე პასუხი გაქვთ - ეგ ჩვენ არ გვეხება.
სამაგიეროდ, გეხებათ თქვენი ერთი სპეციალისტი ოპოზიციის წამომადგენლებს მიუჩინოთ და მათი შეხვედრების ვიდეო და ფოტო გადაღება მოახდინოს, ხოლო მეორე სპეციალისტმა კარდაკარ იაროს და ოჯახებში იკითხოს, თუ ვის აძლევენ არჩევნებში ხმას და შესაბამისი აღრიცხვა აწარმოოს.
ვერ ხვდებით, რომ ეს დანაშაულია? თუ კანონი თქვენთვის არ მოქმედებს? მთავარია ხელფასებს იღებთ, სოფელი და ხალხი რაში განაღვლებთ... - წერს ელმირა ბეციაშვილი „ფეისბუქის“ საკუთარ გვერდზე.
