„ამ ვიტრინებივით „დაიმსხვრევა“ ქართული ოცნება 31 ოქტომბერს; სამგორის (აფრიკის) ოფისი დაგვირბიეს“, - წერს მაჟორიტარი დეპუტატობის კანდიდატი ლევან ხაბეიშვილი ფეისბუქის გვერდზე.
ლევან ხაბეიშვილის საარჩევნო შტაბი სამგორში გვიან ღამით დაარბიეს. ორმა უცნობმა ოფისს ქვები ესროლა. შუშები ჩაამსხვრიეს და ინვენტარი დააზიანეს. ადგილზე მობილიზებული იყვნენ სამართლდამცველები, ფაქტზე მიმდინარეობს მოკვლევა. პოლიციას თავდამსხმელები ჯერ-ჯერობით არ დაუკავებია.
„ორგანიზებულად მოიტანა ქვები ორმა ადამიანმა, ორგანიზებულად ჩალეწეს შუშები, ორგანიზებულად გაიქცნენ და ეჭვი მაქვს, რომ ორგანიზებულად არ გამოიძიებს ქართული ოცნების პოლიცია ამ შემთხვევას.
სამწუხაროდ ქვეყანას ჰყავს ქვასროლია ხელისუფლება, რომელსაც დაშავების, კრიმინალის და ძალადობის გარდა არაფერი შეუძლია და მეტიც, ქვის ხანაში უნდა დაგვაბრუნოს,“ - აცხადებს „რუსთავი 2-თან“ ლევან ხაბეიშვილი.
