„ამათ შუბლის ძარღვი მართლა გაწყვეტილი აქვთ, ან სრული იდიოტები არიან!
ეს პორტი 2013 წლის ბოლოს უნდა გამეხსნა ჩვენი გეგმით, და ჩვენ ყოველთვის, უფრო ადრე ვასრულებდით გეგმას, ვიდრე ქაღალდზე ეწერა და ესენი, გვიყვებიან, რომ პორტი ვერ გაკეთდებოდაო?!
ძაღლი რომ ფარავს ხოლმე თავის მოსაქმებულს, ისე ფარავენ ესენი თავის წილს, ქვეყნის განადგურებაში და მე მგონი, ჩვენს ხალხს ყველაფერი ახსოვს და თუ არ ახსოვს, გავახსენებთ და ამაზეც ბევრი უნდა ვიმუშაოთ და დავანახებთ, რომ სხვანაირად შეიძლება მუშაობა ძალიან მალე“, - წერს ყოფილი პრეზიდენტი მიხეილ სააკაშვილი „ფესბუქის“ გვერდზე.
„ახლა ძალიან ოსტატურად ხდება, იმ ადამიანების მხრიდან, რომლებმაც ვერ ააშენეს პორტი და დღეს გამოდიან და სადღეგრძელოებს ამბობენ, რომ ეს არის სახელმწიფოებრივი პროექტი, ჩვენი მომავლის პროექტი, რა თქმა უნდა, ეს ესეა, მაგრამ ეს ადამიანები, იყვნენ ის ადამიანები, ვისაც ჰქონდათ ამ პროექტის განხორციელების ვალდებულება. მათ ეს ვალდებულება დაარღვიეს არა ერთხელ, არა ერთ ნაწილში, უამრავჯერ და დღეს ამ სიცრუეზე დაფუძნებული ინფორმაციით პორტი ვერ ააშენეს, მაგრამ პოლიტიკურ მშენებლობას განაგრძობენ" - აცხადებს პარტია „საქართველოსთვის“ პოლიტსაბჭოს წევრი ბექა ლილუაშვილი.
