ჭიათურაში მაღაროელების პროტესტი გრძელდება.
ისინი ხელფასის გაზრდას, სამუშაო პირობების გაუმჯობესებას, შრომითი უსაფრთხოების ნორმების დაცვას, ჰიგიენის პირობებისა და კვების საკითხების გაუმჯობესებას ითხოვენ. მაღაროელთა ნაწილმა რამდენიმე დღის წინ შიმშილობა გამოაცხადა. აქციის ერთ-ერთმა მონაწილემ გუშინ პროტესტის ნიშნად თვალები ამოიკერა.
,, ჩვენთვის მიუღებელი და დამამცირებელია კომპანიის მხრიდან გაკეთებული განცხადება ხელფასის ხუთი პროცენტით გაზრდის შესახებ. ამიტომ მივმართეთ პროტესტის ამ ფორმას",- განაცხადა აქციის ერთ-ერთმა მონაწილემ.
ცნობისთვის, ,,ჯორჯიან მანგანეზში" განაცხადეს, რომ კომპანიამ ძველ სამუშაო გრაფიკზე დაბრუნების, ხელფასების ხუთი პროცენტით გაზრდის, აუდიტის ჩატარებისა და ერთობლივი კომისიის შექმნის გადაწყვეტილება მიიღო.
წყარო: "პირველი არხი"
