[მედიანიუსი]
დღეს თბილისში ერთიანი ნაციონალური მოძრაობის ინიციატივით, დედაქალაქის მერის, გიგი უგულავას მხარდასაჭერად აქცია გაიმართება.
აქციის სახელწოდებაა "არ დავუთმოთ თბილისი ბიძინა ივანიშვილს". აქცია 14:00 საათზე ფინანსთა სამინისტროს საგამოძიებო სამსახურთან გაიმართება, სადაც ამ დროისთვის გიგი უგულავას ბრალს ოფიციალურად წაუყენებენ.
"14.00 საათზე გიგი უგულავა დაბარებულია ფინანსურ პოლიციაში, ბრალის წაყენების მიზნით . მოგიწოდებთ ყველას, შევიკრიბოთ ვაკე-საბურთალოს შემართებელი ქუჩისა და უნივერსიტეტის ქუჩის კვეთაში. არ დავუთმოთ თბილისი ბიძინა ივანიშვილს", - ნათქვამია ნაცმოძრაობის ოფიციალურ ფეისბუკ-გვერდზე გავრცელებულ განცხადებაში.
