მთავარი ჩვენს შესახებსაიტის რუკაკონტაქტი
 
მთავარი თემები
  • 03 ივლისი 2019
    12 ქვეყნიდან საქართველოში ვიზიტორთა რაოდენობა 100 პროცენტზე მეტით გაიზარდა
    ივნისის მონაცემებით, 12 ქვეყნიდან საქართველოში ვიზიტორთა რაოდენობა 100 პროცენტზე მეტით გაიზარდა. ამის შესახებ ინფორმაცია ეროვნული ადმინისტრაციის ვებგვერდზე, შინაგან საქმეთა სამინისტროს მონაცემებზე დაყრდნობითაა გამოქვეყნებული. რაოდენობრივად, ყველაზე დიდი ზრდა საუდის არაბეთიდან დაფიქსირდა. თუ 2018 წლის ივნისში საქართველოში ამ ქვეყნიდან 4 697 ვიზიტი შედგა, წელს რაოდენობა 10 697-მდე გაიზარდა (+127.7 პროცენტი).
    სრულად>>
  • 01 ივლისი 2019
    გარკვეული კატეგორიის მოქალაქეები პირადობის მოწმობის მიღებას დღეიდან 2020 წლის პირველ ნოემბრამდე უფასოდ შეძლებენ
    საქართველოს იუსტიციის სამინისტროს პრესსამსახურის ინფორმაციით, აქციის მიზანი საარჩევნო სიების სრულყოფა, სააგენტოს მონაცემთა ბაზების დახვეწა და მოქალაქეების თანამედროვე, სანდო ელექტრონული დოკუმენტით უზრუნველყოფაა. მოქალაქეებს აქციით სარგებლობა მხოლოდ ერთხელ შეუძლიათ. ისინი თავისუფლდებიან როგორც პირადობის მოწმობის, ისე ფოტოსურათის გადაღების საფასურისგან. სურვილის შემთხვევაში, აქციით ისარგებლებენ საქართველოს სრულწლოვანი მოქალაქეები და საქართველოს ის მოქალაქეები, რომელთაც 2021 წლის პირველ იანვრამდე უსრულდებათ 18 წელი.
    სრულად>>
  • 19 ივნისი 2019
    საპატრიარქო - ვემიჯნებით აგრესიის შემცველ განცხადებებს, როგორც მოძღვრებისგან, ისე მრევლისაგან
    ​„ბოლო დროს ე.წ. ლგბტ პრაიდთან დაკავშირებულმა მოვლენებმა უკიდურესად დაძაბა ვითარება ქვეყანაში. აღნიშნულთან მიმართებით საქართველოს საპატრიარქომაც თავისი მკვეთრად უარყოფითი დამოკიდებულება დააფიქსირა. ჩვენ გვესმის, რომ ემოციური ფონი გამძაფრებულია, მაგრამ სრულიად მიუღებლად მიგვაჩნია და ვემიჯნებით აგრესიის შემცველ განცხადებებს, როგორც მოძღვრებისაგან, ისე მრევლისაგან".
    სრულად>>
  • 13 ივნისი 2019
    "წუნწურა წყარო"
    "არა, მეგობარო. რაც ამ სოფელში წინაპართა ენა, ქართული დავკარგეთ, თბილისთან ძველი კავშირებიც გაწყდა. ყველამ ყველაფერი ვიცით, რაც ჩვენს თავს დატრიალდა, მაგრამ ეს ამ სოფლელების რა ბრალია? ჩვენ ხომ მიგვატოვეს?, - რიტორიკულ კითხვაზე პასუხი არ მქონია. - ერთადერთი, როდესაც ჩვენებურებს შავი სამუშაოსგან ჯანმრთელობის პრობლემები შეექმნებათ და ექიმი დასჭირდებათ, პირდაპირ თბილისში მოდიან; რადგან მთელ დედამიწისზურგზე, უსიტყვოდ, მხოლოდ ქართველ მკურნალებს ენდობიანო, - ესეც დაამატა".
    სრულად>>
  • 11 ივნისი 2019
    თბილისში ჰაერის მდგომარეობა 2018 წელთან შედარებით გაუარესებულია
    ორგანიზაციაში აცხადებენ, რომ აუცილებელია, სრული სიმკაცრით ამოქმედდეს ავტომობილების ტექნიკური დათვალიერება, აიკრძალოს ტრანსპორტის გადაადგილება კატალიზატორის გარეშე და შინაგან საქმეთა სამინისტროს მიერ ტრანსპორტის გზისპირა კონტროლი სპეციალური აპარატურით მოხდეს. რაც შეეხება საწვავს, კვლევის მიხედვით, ამ ეტაპზე პრობლემას დიზელის საწვავზე მომუშავე ავტომობილებიც წარმოადგენს.
    სრულად>>
  • 03 ივნისი 2019
    მთავრობა პენსიის გაზრდას გეგმავს
    დოკუმენტში ნათქვამია, რომ 2019-2020 წლებში გათვალისწინებულია პენსიების ზრდა. კერძოდ, 2019 წელს, ამ მიზნით დამატებით გათვალისწინებულია 200 მლნ ლარი, ხოლო 2020 წელს – 400 მლნ ლარი. საქართველოში პენსია 2019 წელს 20 ლარით გაიზარდა, 2020 წელს კი – პენსიის ზრდა ასევე 20 ლარით იგეგმება.
    სრულად>>
  • 30 მაისი 2019
    „არათუ თავისუფლებაზე, ციხეშიც აღარავის ვჭირდებით“
    ცნობილია, რომ ხშირად მოძალადე თვითონაც არის ძალადობის მსხვერპლი. ამიტომ იკვრება მანკიერი წრე, რისგანაც თავის დაღწევა რთულია. სახელმწიფომ უნდა გააძლიეროს მსჯავრდებულთა რეაბილიტაციისა და რესოციალიზაციის პროგრამები, რათა საზოგადოებას ნორმალური მომავალი ჰქონდეს.
    სრულად>>
  • 26 მაისი 2019
    ვფიცავ! - 463-მა რეკრუტმა და წვევამდელმა სამხედრო ფიცი დადო
    თბილისის გარდა (288 რეკრუტი) ფიცი დადეს ხუთ ადგილზე 175-მა რეკრუტმა და წვევამდელმა; ზუგდიდში – დადიანების სასახლეში, რაჭაში – მრავალძალის მონასტერში, ქართლში – კლდეში ნაკვეთ უძველეს ქალაქ უფლისციხეში, დუშეთში – ანანურის ციხის კომპლექსზე და ყვარელში – გრემის მონასტერში (ჯამში 463 რეკრუტი და წვევამდელი).
    სრულად>>
  • 22 მაისი 2019
    ვეტერანი ბესიკ მაისურაძე - ფუფუნებას არ ვითხოვ, მომცენ ის, რაც მეკუთვნის
    "სახელმწიფომ ჩვენი გულისტკივილი ახლოს უნდა მიიტანოს და ყურადღება მოგვაქციოს. ცოტა ხნით ქვეყნის გარეთ ვიყავი გასული და ვნახე იქ ომის ვეტერანი როგორ ცხოვრობს, ხელის გულზე ატარებენ. იქ რომ ვთქვი ვეტერანი ვარო, აქ რა გინდაო, პირდაპირ მომაჯახეს. შემრცხვა ამის გამო. 13 წელიწადი და 8 თვე ვიმსახურე, ვატარე ფორმა, რომელსაც უდიდეს პატივს ვცემ და ნებისმიერ დროს ქვეყანას რომ დასჭირდეს, მზად ვარ; მაქვს შესაძლებლობა და ენერგია, გამოცდილება და პრაქტიკაც რომ ქვეყანას ისევ მხარში დავუდგე".
    სრულად>>
  • 14 მაისი 2019
    ვეტერანთა საერთო საცხოვრებელში წყალი ჩამოდის!
    დათვალიერების შედეგად საჭირბოროტო საკითხთა წრე გამოიკვეთა, რომელიც დროულ გადაწყვეტას მოითხოვს. კერძოდ, შენობა დიდი ხნის გაურემონტებელი, ავარიულ მდგომარეობაშია, ბევრგან წყალი ჩამოდის და ოჯახებს, პატარა ბავშვებს სინესტეში უწევთ ცხოვრება, ზოგიერთი ბინა გამოკეტილია, როდესაც ბევრ ომის ვეტერანს დღემდე საკუთარი ჭერი არ აქვს და ა.შ. ადგილობრივმა მცხოვრებლებმა განაცხადეს, რომ შენობა თავდაცვის სამინისტროს ბალანსზეა და უწყებამ ან საკუთარ თავზე უნდა აიღოს სათანადოდ მოვლა-პატრონობა, ან ტერიტორია გარდაბნის გამგეობას უნდა გადაეცეს, შესაბამისი ვალდებულებებით.
    სრულად>>
  • 11 მაისი 2019
    ლევან ჯუღელი - ფაშიზმის დამარცხებაში ქართველმა ხალხმა უდიდესი წვლილი შეიტანა
    ვეტერანთა ჰოსპიტლის დირექტორის, ლევან ჯუღელის ბაბუა მეორე მსოფლიო ომის დროს, ქერჩში, დივიზიის სამედიცინო სამსახურს ხელმძღვანელობდა. თუნდაც ამიტომ თავს ვალდებულად მიიჩნევს, რომ ყოველ წელს, 9 მაისს, მეორე მსოფლიო ომის ვეტერანებს სათანადო პატივი მიაგოს. ამბობს, რომ დღეს ქართველ ერს ისეთი კონსოლიდაცია სჭირდება, როგორც ეს გამარჯვების მორიგ წლისთავზე ხდება.
    სრულად>>
  • 10 მაისი 2019
    ვლადიმერ იმნაძე: ვეტერანები თავს საქართველოსთვის დებდნენ და არა საბჭოთა კავშირისთვის
    "მეორე მსოფლიო ომის ყველა მონაწილეს ფაშიზმზე გამარჯვების ბრწყინვალე დღეს ვულოცავ. ჩვენ ამ ხალხს ცხვირწინ დროშები კი არ უნდა ვუტრიალოთ, მადლობა უნდა გადავუხადოთ, რომ დღეს საერთოდ ვარსებობთ; რადგან თავის დროზე ფაშიზმს რომ გაემარჯვა, არ მგონია ბევრ ჩვენგანს მოღვაწეობის საშუალება ჰქონოდა. მეორეც, ყველაზე მეტად, რაც მეორე მსოფლიო ომის მონაწილეს და, საერთოდ, ვეტერანს აინტერესებს, ეს არის ყურადღება".
    სრულად>>
  • 10 მაისი 2019
    მაიზერ გელოვანი - სამშობლოს დაცვა ნებისმიერი ადამიანისთვის უდიდესი პატივია
    "უპირველესად, ისევ ამ ხალხს, ვეტერანებს სათანადო პატივი უნდა სცენ. შემდეგ ჩვენ, რათა მომავალმა თაობამ სამშობლოს დაცვის საქმისადმი რწმენა არ დაკარგოს. ისე კი არა, ჯარს რომ გაიგონებენ, მარტო იმას ცდილობენ თავი რით გამოიხსნან. სამხედრო სამსახურში ყველა სიხარულით უნდა მიდიოდეს, რადგან სამშობლოს დაცვა ნებისმიერი ადამიანისთვის უდიდესი პატივია. ხოლო ჯარში ისეთი სულისკვეთება და დისციპლინა უნდა სუფევდეს, რომ ახალგაზრდებს ქვეყნის დაცვის გარდა სხვა ზედმეტი საფიქრალი არ ჰქონდეთ".
    სრულად>>
  • 09 მაისი 2019
    „საერთაშორისო ასოციაცია დაიცავი შენი წილი სამშობლო“ - 9 მაისი ბოროტების დამარცხებასთან და სიკეთის გამარჯვებასთან ასოცირდება
    "ისევ და ისევ ამ ხალხის, მეორე მსოფლიო ომისა და საქართველოს ტერიტორიული მთლიანობისთვის ბრძოლებში მონაწილე ვეტერანთა შრომა და ღვაწლი არ უნდა დაიკარგოს, თითოეული ამ ადამიანის გმირობა უნდა გვახსოვეს და მოვუფრთხილდეთ; რათა ჩვენც მათ მიერ გაკვალული გზით ვიაროთ, მაგალითი ავიღოთ; ამ ხალხის მამოძრავებელი სულისკვეთება არ უნდა დავკარგოთ და მხოლოდ ამ გზით გავიყვანთ ჩვენს ქვეყანას სამშვიდობოს".
    სრულად>>
  • 06 მაისი 2019
    ნასვამ მდგომარეობაში მანქანის მართვასა და სიჩქარის გადაჭარბებაზე სანქციების გაზრდა იგეგმება
    წლის ბოლომდე, ქვეყნის მაშტაბით სხვადასხვა დანიშნულების 5 000-მდე კამერა ამოქმედდება, – ამის შესახებ საქართველოს შინაგან საქმეთა მინისტრის მოადგილემ, ნინო ჯავახაძემ ჯანდაცვის სამინისტროს დაავადებათა კონტროლის ცენტრში განაცხადა, სადაც გაერო-ს საგზაო უსაფრთხოების რიგით მეხუთე კვირეულის ფარგლებში ღონისძიება გაიმართა. ნინო ჯავახაძის განცხადებით, ასევე გაიზრდება საპატრულო ეკიპაჟების რაოდენობა როგორც თბილისში, ასევე რეგიონებში.
    სრულად>>
  • 01 მაისი 2019
    საერთაშორისო ასოციაცია „დაიცავი შენი წილი სამშობლო“ დავით გარეჯთან დაკავშირებით განცხადებას ავრცელებს
    "ჩვენთვის წინაპრების სისხლით გაპოხიერებული თითოეული მტკაველი მიწა წმინდაა და, მითუმეტეს, თუ ეს წმინდა ბერების საძვლეა. ამიტომ სასწრაფოდ გადასაწყვეტია დავით გარეჯის სამონასტრო კომპლექსის, მის მიმდებარედ ქართული მიწების არასწორად ინტერპრეტირების საკითხი. ასევე, ორივე მხარის კომისიებმა მუშაობა უნდა გააგრძელონ სხვა, სამწუხაროდ, ჯერაც დაუკანონებელი სასაზღვრო ტერიტორიებთან დაკავშირებით".
    სრულად>>
  • 30 აპრილი 2019
    პანკისის ხეობის სახალხო კრება - გვჯერა, ხელისუფლება გააგრძელებს გონიერ პოლიტიკას და არ დაუშვებს პროცესების შემდგომ გამწვავებას
    "რაოდენ დიდი კრიტიკაც არ უნდა გვქონდეს 21 აპრილის წინარე პოლიტიკური პროცესებთან დაკავშირებით, რომელიც ჩვენს ხეობაში ჰესების კასკადის მშენებლობის საკითხს და მასთან დაკავშირებულ პოლიციის გაუმართლებელ ქმედებებს შეეხება, ჩვენ ცალსახად მიუღებლად და დაუშვებლად მივიჩნევთ მოსახლეობის მხრიდან პროტესტის ძალადობრივი ფორმების გამოყენებას და როგორც ჩვენი ქვეყნის ერთგულ შვილებს, ღრმად გვჯერა, რომ თითოეული მოქალაქის უმთავრეს საზრუნავს ჩვენი ქვეყნის უსაფრთხოების დაცვა წარმოადგენს".
    სრულად>>
  • 24 აპრილი 2019
    სისტემური პრობლემები ფსიქიკური ჯანმრთელობის სფეროში - სახელმწიფოსა და საზოგადოების სირცხვილი
    ფსიქიკური ჯანმრთელობის პრობლემების მქონე ადამიანების სხვადასხვა ნიშნით დისკრიმინაცია, დღევანდელი ქართული სახელმწიფოსა და საზოგადოების სირცხვილია. სხვა რა შეიძლება ეწოდოს არსებულ რეალობას, როდესაც უამრავი ადამიანი აუცილებელ სამედიცინო სერვისებს მოკლებულია. სახალხო დამცველის ფსიქიატრიულებში „ცეცხლსაქრობით“ სირბილი და არასამთავრობოების „მინიფესტები“ საქმეს ვერ შველის, განგაშის ზარები შემოსაკრავია.
    სრულად>>
  • 17 აპრილი 2019
    პოლიტიკური პოლარიზაცია ჩვენებურად, ანუ იცხოვრე საინტერესო დროში
    უცნაური ჩინური წყევლა არსებობს - საინტერესო დროში იცხოვრეო. უკვე 30 წელია საქართველოს მოსახლეობა ამგვარი კრულვის მსხვერპლია. პერმანენტულად დედის გინებამდე მისული (დღესაც ამ კონდიციაში ვიმყოფებით) პოლიტიკური პოლარიზაცია, სასიკვდილო რეალობის მკვებავი ძარღვია. ხშირად განწირული ადამიანები საზვარგარეთ გარბიან, რადგან შეუძლებელია ბორბალში ერთი და იმავე წრეზე ტრიალი.
    სრულად>>
  • 04 აპრილი 2019
    ბავშვთა იძულებითი შრომის საზარელი სახე - მათხოვრობა
    არასამთავრობო ორგანიზაციების მონაცემებით, საქართველოში 2 ათასზე მეტი ბავშვი ქუჩაში მოწყალებას ითხოვს. მთლიანობაში, ასაკისთვის შეუსაბამო ფიზიკურ სამუშაოზე გარეთ გასული პატარების რიცხვი 5 ათასამდეა. ოფიციალური სტატისტიკა არ არსებობს. ნებისმიერი საზოგადოების განვითარების დონე იმით იზომება, თუ როგორ ზრუნავს ის ბავშვებსა და მოხუცებზე, - ამ მხრივ, რა ნიშნული უკავია ქართულ საზოგადოებას?
    სრულად>>
  • 28 მარტი 2019
    ქეთი ორჯონიკიძე-ქეისი - ქართველებს იავნანას ვეღარავინ გაგვაწყვეტინებს!
    აშშ-ში მოღვაწე ჟურნალისტისა და რეჟისორ-სცენარისტის, ქეთი ორჯონიკიძე-ქეისის მუსიკალურ კლიპში ქართველი ემიგრანტის ემოციებია გადმოცემული. მთავარი გმირი სამშობლოსგან შორსაა, მაგრამ ფიქრებით, სულითა და გულით საქართველოშია. ამიტომ სურს მხოლოდ ქართული მელოდია ისმინოს. როცა ნიუ იორკის ცათამბჯენებს უყურებს, თვალწინ მშობლიური ეკლესიებისა და მონასტრების ხატება წამოიმართება. მის ნაღვლიან თვალებში მონატრებას და სევდას ადვილად ამოიკითხავთ.
    სრულად>>
  • 20 მარტი 2019
    ირაკლი სესიაშვილი - ჩემი საკანონმდებლო ინიციატივა შეღავათს ყველა კონფესიისთვის აუქმებს
    „ეს ასე არ არის, რომ მღვდელი ხარ და არიქა, ახლა ანაფორა უნდა გაგხადო და ავტომატი დაგაჭერინო. მათ შეუძლიათ, ალტერნატიული შრომითი სამსახურით ისარგებლონ ისევე, როგორც ყველა იმ ქვეყანაშია, სადაც გაწვევის სისტემა არსებობს და ჩვეულებრივად მოხდება მათი რეკრუტირება ალტერნატიულ შრომით სამსახურში. ეს უფლება არა თუ რელიგიური ორგანიზაციისთვის, მათ შორის, ნებისმიერი მოქალაქისთვის არსებობს“, – განაცხადა სესიაშვილმა.
    სრულად>>
  • 20 მარტი 2019
    საერთაშორისო ასოციაცია „დაიცავი შენი წილი სამშობლო“ აზერბაიჯანელ ვეტერანებს ნოვრუზ ბაირამის დღესასწაულს ულოცავს
    „აზერბაიჯანელ ვეტერანებს, ჩვენი მეგობარი როვშან გულიევის ხელმძღვანელობით გულითადად ვულოცავთ ნოვრუზ ბაირამის დღესასწაულს და ქვეყნის გამთლიანებას, აზერბაიჯანულ სახელმწიფოს და მის თითოეულ მოქალაქეს წარმატებას ვუსურვებთ“, - აცხადებს ასოციაციის დამფუძნებელი, პოლკოვნიკი დარეჯან (დოდო) გუგეშაშვილი.
    სრულად>>
  • 11 მარტი 2019
    საია - სკოლებში ინსპექტირების მექანიზმს სავარაუდოდ საარჩევნო გარემოზე ზემოქმედების მოხდენის მიზნით იყენებდნენ
    კვლევის მიხედვით, ზუგდიდის მე-6 საჯარო სკოლის დირექტორის გარდაცვალების შემდეგ ახალგაზრდა იურისტებმა სხვადასხვა სკოლებში ჩატარებული მონიტორინგის შედეგები გაანალიზეს და საგანგაშო დასკვნამდეც მივიდნენ. კერძოდ, 2018 წელს სამინისტროში შევიდა 288 განცხადება, რომელიც სკოლებში დარღვევებს შეეხებოდა. რეაგირება კი უწყებას მხოლოდ 7 მათგანზე ჰქონდა და შვიდივე შემთხვევაში შეტყობინება ზოგადი ხასიათის იყო.7-დან 6 შემთვევაში კი შემოწმება ჩატარდა საპრეზიდენტო არჩევნების პირველიდან მეორე ტურამდე. რაც ამყარებს ეჭვს რომ ეს პროცესი პოლიტიკური ზეწოლის იარაღად იქნა გამოყენებული.
    სრულად>>
 
სიახლეები
10 იანვარი 2019
"გრიპის ვირუსის 230 შემთხვევიდან 98 პროცენტი არის H1N1"
„ლაბორატორიული კვლევა ინდივიდუალურად ადამიანში გრიპის დიაგნოსტიკისთვის არ არის. კვლევის მიზანია, მხოლოდ მონიტორინგი, თუ რა ვირუსები ცირკულირებს ქვეყანაში. ამ თვალსაზრისით, გუშინდელი მონაცემებით, წელს გაკეთებულია დაახლოებით 450 კვლევა, აქედან 55 პროცენტში, დაახლოებით 230-ში დადგენილია გრიპის ვირუსი. 230-დან 98 პროცენტი არის H1N1. შესაბამისად, ჯერჯერობით, წელს ქვეყანაში ცირკულირებს H1N1. ოთხი-ხუთი შემთხვევაა H3N2-ის და ერთი შემთხვევა B ვირუსის“, – განაცხადა ამირან გამყრელიძემ.
   
10 იანვარი 2019
ლუგარის ლაბორატორიაზე რუსული მედიით გავრცელებული ინფორმაცია BBC-ის მიერ შედგენილი 2018 წლის ყალბი ამბების ათეულში მოხვდა
"2018 წლის ყალბი ამბების ათეულში მოხვდა ასევე ლუგარის ლაბორატორიაზე რუსული მედიით გავრცელებული ინფორმაცია. BBC-ის ცნობით, რუსულმა მედიასაშუალებებმა გაავრცელეს ინფორმაცია, რომ თბილისის გარეუბანში განთავსებულია ლაბორატორია, სადაც ადამიანებზე საიდუმლო ცდებს ატარებენ. ტელეკომპანიის კორესპონდენტი თბილისში გაემგზავრა და ლაბორატორია შიგნიდან შეისწავლა. როგორც BBC წერს, რუსულ მედიაში გავრცელებული ინფორმაცია ყალბი აღმოჩნდა. BBC-ის სტატიაში აღნიშნულია, რომ ლუგარის ლაბორატორია C ჰეპატიტთან ბრძოლის პროგრამის ნაწილია".
   
09 იანვარი 2019
"ეკონომისტი" - საქართველოში დემოკრატიის ინდექსი დაეცა
კვლევის თანახმად, საქართველო კვლავ ჰიბრიდული რეჟიმების სიაშია, თუმცა გაუარესებული ინდექსით. 2017 წელს საქართველო 5.93 ქულით იყო შეფასებული, წელს კი ის 5.50-ნიშნულამდე დაეცა. კვლევაში წერია, რომ ბიძინა ივანიშვილის მმართველი პარტიის თავმჯდომარის პოსტზე დაბრუნების შემდეგ მთავრობის პოლიტიკა შეიცვალა. „ეკონომისტის“ მკვლევარებს მაგალითად მოჰყავთ ყოფილი პრემიერის, გიორგი კვირიკაშვილის გადადგომისას გამოცხადებული მთავარი მიზეზი: "უთანხმოება ბატონ ივანიშვილთან" და არა "ხალხის მასობრივი უკმაყოფილება" მთავრობის საქმიანობის მიმართ.
   
09 იანვარი 2019
"დღეს და ხვალ ტამიფლუს მარაგები შეივსება"
„ცალსახად ვადასტურებ, რომ „ტამიფლუს“ ​საკმარისი მარაგია. დღეს და ხვალ წამლის მარაგით შეივსება როგორც სააფთიაქო ქსელები, ისე ჯანდაცვის სამინისტრო. რაც შეეხება პირბადეებს, პირბადეებზე აფთიაქებმაც უნდა იზრუნონ, რომ მომარაგება გაზარდონ და თუ ამ მხრივ დეფიციტი დავინახეთ, ჯანდაცვის სამინისტროს მარაგებიდან დავეხმარებით“, – განაცხადა დავით სერგეენკომ.
   
09 იანვარი 2019
საერთაშორისო ასოციაცია „დაიცავი შენი წილი სამშობლო“ - პრეზიდენტი და პრემიერი ომისა და სამხედრო ძალების ვეტერანთა იგნორირების პოლიტიკას აგრძელებენ
„31 დეკემბერს, სრულიად საქართველოს ახალი წლის შემობრძანება როგორც ახლადარჩეულმა პრეზიდენტმა, ასევე მთავრობის მეთაურმა მიულოცა. საფრანგეთში დაბადებულმა და გაზრდილმა, ქალბატონმა ზურაბიშვილმა ძალიან კარგად იცის ამ ქვეყანაში როგორი ყურადღებითა და პატივისცემით ეპყრობიან ომისა და სამხედრო ძალების ვეტერანებს. სამწუხაროდ, მან მისალოც სიტყვაში ერთი სიტყვითაც არ ახსენა ეს ადამიანები. რასაკვირველია, ვეტერანებისთვის მილოცვა არც ბატონ ბახტაძეს გახსენებია. როგორც ჩანს, პრეზიდენტიც და პრემიერ მინისტრიც იზიარებენ „ნაციონალური მოძრაობის“ პოლიტიკას, ომის ვეტერანების არშემჩნევასთან და იგნორირებასათან დაკავშირებით. საუბარია იგივე სამარცხვინო 22-ლარიან დახმარებაზე, ურნაში გადაგდებულ ვეტერანების შესახებ კანონზე და ა.შ. როგორც ჩანს, ჩვენ უკვე მივეჩვიეთ „მგლის თავზე სახარების კითხვას“, - აღნიშნულია ორგანიზაციის განცხადებაში.
   
09 იანვარი 2019
"აცრა დღესაც შესაძლებელია, თუმცა უნდა იცოდეთ, რომ ორი კვირა იმუნიტეტი არ გექნებათ"
„დღესაც შესაძლებელია აცრა, ოღონდ უნდა ვიცოდეთ, რომ დღეს თუ აიცრებით, ორი კვირა იმუნიტეტი არ გექნებათ. შესაბამისად, ამ ორ კვირაში ავად თუ გახდებით, არ უნდა თქვათ, რომ ეს აცრის გამო მოხდა. სააფთიაქო კომერციულ ქსელებში დღესაც შესაძლებელია აცრა. ვინც გრიპის ვირუსს გადაიტანს, ამავე ვირუსზე მყარი იმუნიტეტი რჩება, ანუ ვირუსის ის ვარიანტი პაციენტს აღარ დაემართება, შესაძლოა, სხვა ვარიანტი შეხვდეს“, – განაცხადა იმნაძემ.
   
09 იანვარი 2019
საერთაშორისო ასოციაცია „დაიცავი შენი წილი სამშობლო“ – საეჭვო რეპუტაციის მქონე მოსამართლეთა სია პარლამენტიდან უნდა გაიწვიონ
„ვუერთდებით მოსახლეობის უდიდესი ნაწილისა და პროგრესულად მოაზროვნე დეპუტატების სრულიად ნეგატიურ დამოკიდებულებას, საეჭვო რეპუტაციის მქონე მოსამართლეთა უვადო გამწესებასთან დაკავშირებით. სწორედ პარლამენტის პრეროგატივაა სასწრაფოდ კანონისა და კრიტერიუმების შემუშავება, რასაც უვადოდ გამწესებული მოსამართლეები უნდა აკმაყოფილებდნენ. აღნიშნული პროცესის პარალელურად, წარდგენილი სია საკანონმდებლო ორგანოდან უნდა გაიწვიონ“, - აღნიშნულია ორგანიზაციის განცხადებაში.
   
09 იანვარი 2019
დავით სერგეენკო - აუცილებელია სიმპტომების აღმოცენებისთანავე მიმართონ ექიმს და მიიღონ სწორი მკურნალობა
„დღეის მდგომარობით, გუშინდელთან შედარებით, რიგი პოზიტიური მაჩვენებლებია – თითქმის ასით ნაკლებია ჰოსპიტალიზაცია გრიპის გამო, რაც კარგი დინამიკაა. სასწრაფოზე გამოძახება გადანაწილდა პირველადი ჯანდაცვის დაწესებულებებზე და შემცირების დინამიკაა, თითქმის ცხრაასით განიმუხტა სასწრაფო დახმარება გამოძახებებისგან. ეს ტვირთი აიღეს პირველადი ჯანდაცვის დაწესებულებებმა და უმეტეს შემთხვევაში, ეს გვარდება სატელეფონო კონსულტაციით, უშუალოდ გასინჯვით და რიგ შემთხვევებში, ბინაზე მისვლითაც. თუმცა, ძალიან საყურადღებოა, რომ დაავადების მიმდინარეობა მძიმეა, ჰოსპიტალებში მკურნალობას 640-მდე პაციენტი გადის და მათგან 39 რეანიმაციულ განყოფილებაშია. ეს ძალიან საყურადღებო მაჩვენებელია და მიუხედავად იმისა, რომ რაოდენობრივად ავადობა ცალსახად უკან იხევს, მისი მიმდინარეობა ისევ რჩება მძიმედ“, – აცხადებს დავით სერგეენკო.
   
08 იანვარი 2019
აკაკი ზოიძე - თამბაქო ერთადერთი ლეგალური პროდუქტია, რომლის მოხმარებაც კლავს
„ერთი საკითხი იყო ფილტრიანი და უფილტრო სიგარეტის აქციზის გადასახადის გათანაბრება. ეს ვალდებულება გვქონდა, როგორც ევროგაერთიანებასთან, ასევე ჯანდაცვის მსოფლიო ორგანიზაციის ჩარჩო-კონვენციით. აქციზის მატების ერთ-ერთი ძირითადი ამოცანა, რომ ადამიანებმა შეამცირონ ან საერთოდ თავი დაანებონ თამბაქოს მოწევას, რადგან ეს არის ერთადერთი ლეგალური პროდუქტი, რომლის მოხმარებაც უბრალოდ კლავს, არანაირი სარგებელი არ აქვს. ამიტომ აქციზის გაზრდა არის ერთ-ერთი ეფექტიანი მეთოდი, რეკლამისა და სპონსორობის აკრძალვასთან ერთად, რათა ერთი მხრივ, მწეველების რაოდენობა შემცირდეს და მეორე მხრივ, ახალგაზრდები არ ჩაერთონ ამ მავნე ჩვევაში. მსოფლიოში ეს ყველაზე ეფექტიანი მეთოდია“, – განაცხადა ზოიძემ.
   
08 იანვარი 2019
რატომ შეიძლება იყოს გრიპის ვირუსი მომაკვდინებელი?
ჯანდაცვის მსოფლიო ორგანიზაციისა (WHO) და აშშ-ის დაავადებათა კონტროლისა და პრევენციის ცენტრის (CDC) მონაცემებით, ყოველწლიურად გრიპი სერიოზული გართულებით სამიდან ხუთ მილიონამდე ადამიანს ემართება. მათ შორის სიკვდილით მთავრდება 291 000-დან 646 000-მდე შემთხვევა. რიცხვები ძალიან განსხვავდება წლიდან წლამდე. CDC-ის მონაცემების მიხედვით, 1976-2005 წლებში, გრიპთან დაკავშირებული სიკვდილიანობის რიცხვი აშშ-ში 3 000-დან 49 000-მდე გაიზარდა. 2010-2016 წლებში ამ მაჩვენებელმა 12 000-დან 56 000-მდე მოიმატა.
   
 
სტატიები
06 მარტი 2019
გიგი უგულავა პროკურორებსა და მოსამართლეებს - გაინტერესებდათ, რატომ გაფურთხებთ ხალხი სახეში?
„ხაზარაძის აფრიალებული წერილის არ გჯერათ? ნებისმიერს შეეძლო დაეწერა ხომ?! მაშ, მისმინეთ პროკურორებო და მოსამართლეებო. ახლა აგიხსნით, რატომ გაფურთხებთ ხალხი სახეში. მცირე მაგალითი საკუთარი გამოცდილებიდან. 2014 5 ივლისია. „კაპეზედან“ სასამართლოში მიმიყვანეს. პროკურორი ჯერანაშვილი გირაოს დამძიმებას და წინასწარ პატიმრობას ითხოვს, მაგრამ ფორმალური საფუძველი ვერ გამონახა. უცებ საქაღალდიდან აძრობს რაღაც ფურცელს და ამბობს – ესაა მუქარის წერილი, რომელიც უგულავამ მოწმე გიორგი კაპანაძეს (რიჟა) ლონდონში „შავი კაცის“ მეშვეობით გადასცა. გაოგნდა ყველა. ბრიტანეთის სამართლებრივი ურთიერთდახმარების ფარგლებში მოვითხოვეთ გამოძიება“, – წერს უგულავა.
   
05 მარტი 2019
იოჰანეს ჰანი - საქართველოს მოქალაქეები ევროპაში თავშესაფარს ვერ მიიღებენ
„მითხრეს, რომ რადგან ვიზალიბერალიზაციის ფარგლებში ჩვენს ტერიტორიაზე 600 ათასი ადამიანი შემოვიდა და მხოლოდ რამდენიმე ათასი აკეთებდა განაცხადს თავშესაფარზე, ეს თავისთავად გვაწვდის გარკვეულ ინფორმაციას, მაგრამ მინდა მოგიწოდოთ, თქვენი შესაძლებლობები მედიის წარმომადგენლებმა გამოიყენოთ და საზოგადოებას აცნობოთ, რომ საქართველოს მოქალაქეები ვერ მოიპოვებენ თავშესაფარს ევროპაში, ვინაიდან საქართველო უსაფრთხო ქვეყანაა“, – განაცხადა იოჰანეს ჰანმა.
   
02 მარტი 2019
ქვეყანა კორპორატიული წესებით იმართება?
„ქვეყანა იმართება კორპორატიულად, კორპორატიული წესების მიხედვით, რასაც ქართველი ხალხის მენტალიტეტი ვერასდროს ვერ შეეგუება და ვერასდროს ვერ მოვა თანხვედრაში. კორპორატიული მმართველობა იყო სააკაშვილის დროს, როდესაც ყველაფერი თავს იყრიდა ერთ უზენაეს პიროვნებასთან, სააკაშვილთან“, – განაცხადა ზვიად კვაჭანტირაძემ. „ქართული ოცნების“ ყოფილი დეპუტატი ამბობს, რომ პარტიის საერთო ჩატში სხვადასხვა საკითხთან დაკავშირებით მოდიოდა მესიჯები, რომელთა ავტორიც დღემდე არ იცის, ვინ იყო. მისივე თქმით, მსგავსი პრაქტიკა პარლამენტში 2016 წლის შემდეგ დამკვიდრდა.
   
27 თებერვალი 2019
მარიამ ჯაში - აზერბაიჯანში მცხოვრები ქართველების უფლებები საქართველოში მცხოვრები აზერბაიჯანელების უფლებებს უნდა გაუთანაბრდეს
„ორივე კომიტეტი ვაპირებთ ერთობლივ ვიზიტს ჰერეთში და, სავარაუდოდ, ეს იქნება საქართველოს პრეზიდენტის,სალომე ზურაბიშვილის ვიზიტის შემდეგ. ჩვენ ყველაფერს ვეცდებით, რომ პრობლემების გადაჭრა ჩვენს აზერბაიჯანელ მეგობრებთან და პარტნიორებთან ერთად მოხერხდეს. გაგვაჩნია ძალიან სერიოზული სტრატეგიული თანამშრომლობა და მეგობრობა აზერბაიჯანის რესპუბლიკასთან, ასევე, გაგვაჩნია ისტორიულად კარგი ურთიერთობა, რაც გახდება საფუძველი, რომ პრობლემები, რომელიც ქართველი მოსახლეობის წინაშე აზერბაიჯანის ტერიტორიაზე არსებობს, ეტაპობრივად იყოს აღმოფხვრილი, ისევე, როგორც ჩვენ ვცდილობთ, ყველანაირი პრობლემა საქართველოს ტერიტორიაზე მცხოვრები აზერბაიჯანელებისა იყოს გადაწყვეტილი და მოწესრიგებული“, – განაცხადა ზვიად კვაჭანტირაძემ.
   
26 თებერვალი 2019
თორნიკე მამალაძე - ჩემი ძმა იმ დანაშაულს არასდროს აღიარებს, რაც არ ჩაუდენია
ჩემი ძმა არის უდანაშაულო და იმ დანაშაულს არასდროს აღიარებს, რაც არ ჩაუდენია, – ამის შესახებ დეკანოზ გიორგი მამალაძის ძმამ, თორნიკე მამალაძემ საპატრიარქოს განცხადებაზე კომენტირებისას აღნიშნა. როგორც თორნიკე მამალაძემ აღნიშნა, მისი აქცია არ არის ეკლესიის წინააღმდეგ მიმართული, მის მიზანი ოჯახის წევრის დაცვაა.
   
 
პოპულარული სტატიები
დღეს თელავში საქართველოს პრეზიდენტის სალომე ზურაბიშვილის ინაუგურაცია გაიმართება
  ნონა ხიდეშელი: ჩვენმა მოქალაქემ საერთოდ არ იცის, რა უნდა ხელისუფლებისგან
რატომ არის დანაშაულის მაღალი რისკი ძალადობის მსხვერპლ ბავშვებში? 

 

 
ვიდეოები
გამოკითხვა
 


სპონსორები

2019 ყველა უფლება დაცულია